11 mln gektar alqapqa dándi daqyldar egildi
«Jumsaq bıdaı, qatty bıdaı, arpa, suly, kúnbaǵys, zyǵyr, raps, soıa, qaraqumyq jáne júgeri sııaqty daqyldardyń tizbesi 10-ǵa deıin keńeıtildi. Kóktemgi dala jumystary elimizdiń barlyq óńirinde bastalǵanyn atap ótý qajet. Qazirgi ýaqytta 11,3 mln ga alańǵa daqyl egildi», - dedi vıtse-mınıstr ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, kóktemgi egis jumystaryn sátti ótkizýdiń negizgi máselesi - fermerlerdi nesıe qarajatymen qamtamasyz etý.
Bıyl «Agrarlyq nesıe korporatsııasy» AQ jelisi boıynsha kóktemgi egis jáne egin jınaý jumystaryna kredıt berýge 70 mlrd teńge kóleminde bıýdjettik kredıt bólindi.
«Keń dala» baǵdarlamasy aıasynda resmı túrde 70 mlrd teńge somasyna 2 562 ótinim kelip tústi. Onyń ishinde 69 mlrd teńgeniń 2 086 ótinimi qarjylandyryldy.
«Sonymen qatar, álemdik azyq-túlik naryǵyndaǵy qubylmalylyqtyń saldaryn nıvelırleý maqsatynda kóktemgi egis jáne egin jınaý jumysyn qarjylandyrý kólemin qosymsha 70 mlrd teńgege ulǵaıtý jáne bıýdjettik kredıtteýdiń jalpy somasyn 140 mlrd teńgege deıin jetkizý týraly sheshim qabyldandy. Qazirgi ýaqytta «Agrarlyq nesıe korporatsııasy» AQ óz qarajatynan 14 mlrd teńgeden astam somaǵa 435 AShTÓ-ge kredıt berdi. Olar qosymsha bólingen 70 mlrd qarajattan óteledi. Forvardtyq satyp alý sheńberinde «Azyq-túlik kelisim-shart korporatsııasy» UK» AQ 93,6 mlrd teńgeden astam somaǵa 550 ótinim tústi. 74,4 mlrd teńge somasyna 410 ótinim qarjylandy. Bul rette osy jyly qarjylandyrý somasy 80 mlrd teńgege deıin jetkizildi. Bul ótken jyldyń deńgeıinen 2 ese artyq», - dedi Ábilhaıyr Tamabek.