11 maýsymǵa arnalǵan aýa raıy boljamy
ASTANA. 11 maýsym. QazAqparat - Búgin elimizdiń soltústik bóligi atmosferalyq aǵymdardyń yqpalynda bolyp, turaqsyz kún raıy kútiledi.
Keı jerlerde naızaǵaı oınap, jańbyr jaýady, jel kúsheıedi. Bul týraly Qazgıdrometke silteme jasap, TJM baspasóz qyzmetinen habarlady.
Aqmola, Qostanaı, Pavlodar oblystarynda keı jerlerde jeldiń ekpini sekýndyna 15-20 metrge deıin kóteriledi.
Shyǵys Qazaqstan oblysynda jekelegen aýdandarda jeldiń ekpini 17-22 metrge kúsheıip, shańdy daýyl turady.
Soltústik Qazaqstan oblysynda jeldiń jyldamdyǵy 15-20 metrdi quraıdy, burshaq jaýýy yqtımal.
Mańǵystaý oblysynda keı jerlerde shańdy daýyl turady, kúndiz 15-20 m/s jyldamdyqta jel bolady.
Elimizdiń batysynda, ońtústiginde jáne ortalyǵynda keı jerlerde joǵary órt qaýpi saqtalady.
Jaqyn táýlikterde Almaty oblysynyń taý mańyndaǵy ózenderde jáne ShQO Batys Altaıdyń jekelegen ózenderinde sýdyń kólemi artady. Qazaqstannyń sý nysandarynda gıdrologııalyq tártipte aıtarlyqtaı ózgerister baıqalmaıdy.
