11 maýsym. Kazinform kúntizbesi. Tulǵalar týǵan kún

ESІMDER

68 jyl buryn (1958) «Agrofırma „Rodına“ JShS bas dırektory, quryltaıshysy, Qazaqstannyń et-sút odaǵynyń tóraǵasy, Qazaqstannyń Eńbek Eri Ivan Adamovıch SAÝER dúnıege keldi.

Aqmola oblysynda týǵan. Tselınograd aýyl sharýashylyǵy ınstıtýtyn aýyl sharýashylyǵy óndirisin tetikteý mamandyǵy boıynsha támamdaǵan.

Eńbek jolyn 1980 jyly Tselınograd aýdany «Krasnyı flag» keńsharynda brıgadır bolyp bastaǵan. 1985-1987 jyldary «Krasnyı flag» keńsharynda bas ınjener, 1987-1994 jyldary Tselınograd aýdany «Rodına» keńsharynyń dırektory, 1994-1996 jyldary «Rodına» jeke otbasylyq kásipornynyń dırektory, 1996-2005 jyldary «Rodına» óndiris kooperatıviniń dırektory laýazymyn atqarǵan.

2005 jyldyń mamyr aıynan beri qazirgi qyzmetinde.

«Otan» (2011), «Parasat» (2005), «Dostyq» (1996) ordenderimen, «Shapaǵat» (2000), «Qazaqstan Respýblıkasynyń Táýelsizdigine 10 jyl» (2001), «Qazaqstan Respýblıkasy Táýelsizdigine 20 jyl» (2011) «Tyńǵa 50 jyl» (2004), «Astanaǵa 10 jyl» (2009), «Qazaqstan polıtsııasyna 20 jyl» (2012), «Jeńistiń 60 jyldyǵy» (2005) medaldarymen jáne t. b. marapattalǵan.

62 jyl buryn (1964) Qazaqstan Respýblıkasy Qaýipsizdik keńesiniń hatshysy Ǵızat Dáýrenbekuly NURDÁÝLETOV dúnıege keldi.

Almaty oblysynda týǵan. 1986 jyly S.M.Kırov atyndaǵy Qazaq memlekettik ýnıversıtetiniń zańger mamandyǵyn bitirgen.

Eńbek joly: 1987-1990 jyldary ujymshar zańgeri, 1990-1996 jyldary prokýratýra organdaryndaǵy qyzmet, 1996-1997 jyldary QR Memlekettik tergeý komıtetiniń organdarynda, 1997-2007 jyldary QR Ulttyq qaýipsizdik komıtetiniń organdarynda qyzmet atqardy, 2007-2017 jyldary Ulttyq qaýipsizdik komıteti Almaty oblystyq departamentiniń bastyǵy, 2017-2019 jyldary QR Bas prokýrorynyń birinshi orynbasary, 2019-2022 jyldary QR Bas prokýrory, 2022-2023 jyldary QR Prezıdentiniń kómekshisi – QR Qaýipsizdik keńesiniń hatshysy laýazymyn atqarǵan.

Qazirgi qyzmetin 2023 jyldyń qyrkúıeginen beri atqaryp keledi.

ІІ dárejeli «Aıbyn», «Dańq» ordenderimen marapattalǵan.

55 jyl buryn (1971) Qazaqstan Respýblıkasy Básekelestikti qorǵaý jáne damytý agenttiginiń Apparat basshysy Murat Amangeldiuly DÁRІBAEV dúnıege keldi.

Qyzylorda oblysynda týǵan. 1996 jyly Almaty jol ınstıtýtyn ınjener-qurylysshy mamandyǵy boıynsha, 2004 jyly T.Rysqulov atyndaǵy Qazaq ekonomıkalyq ýnıversıtetin ekonomıst mamandyǵy boıynsha bitirgen.

Eńbek jolyn «AVS-Parfıým» kompanııasynda ekonomıst bolyp bastaǵan. 1997-2000 jyldary QR Ekonomıka mınıstrligi janyndaǵy Ekonomıkalyq zertteýler ınstıtýtynyń marketıng bóliminde ekonomıst, ǵylymı qyzmetker, sektor meńgerýshisi qyzmetterin atqarǵan. 2000-2002 jyldary QR Prezıdenti Ákimshiliginiń Áleýmettik-ekonomıkalyq taldaý bóliminde bas sarapshy, sektor meńgerýshisi laýazymdarynda eńbek etken. 2002-2003 jyldary QR Indýstrııa jáne saýda mınıstrliginiń Shaǵyn bıznesti qoldaý komıteti tóraǵasynyń orynbasary bolǵan. 2003-2004 jyldary QR Tabıǵı monopolııalardy retteý jáne básekelestikti qorǵaý agenttiginiń Kólik jáne telekommýnıkatsııa sektorlaryn retteý departamentiniń dırektory qyzmetin atqarǵan. 2004-2005 jyldary QR Indýstrııa jáne saýda mınıstrliginde apparat basshysy, Kásipkerlikti damytý departamentiniń dırektory laýazymynda eńbek etken. 200-2006 jyldary QR Prezıdenti Ákimshiligi Qaýipsizdik keńesi hatshylyǵynyń bas ınspektory qyzmetin atqarǵan. 2006-2007 jyldary QR Prezıdenti Іs basqarmasynyń «Búrkit» memlekettik áýe kompanııasy» RMK-nyń birinshi dırektor orynbasary, 2007-2008 jyldary QR Prezıdenti Ákimshiliginiń Áleýmettik-ekonomıkalyq taldaý bólimi meńgerýshisiniń orynbasary, 2008-2009 jyldary QR Indýstrııa jáne saýda mınıstrliginiń Ónerkásip komıtetiniń tóraǵasy, 2009-2012 jyldary QR Prezıdenti Ákimshiliginiń Memlekettik baqylaý jáne uıymdastyrýshylyq-aýmaqtyq jumys bóliminiń memlekettik ınspektory, 2012-2015 jyldary Qostanaı oblysy ákiminiń orynbasary, 2015-2017 jyldary «Almaty» «ÁKK» UK» AQ-nyń Basqarma tóraǵasy, 2017-2018 jyldary Almaty qalasy ákiminiń orynbasary, 2019-2021 jyldary «QazAgro» ulttyq basqarýshy holdıngi» AQ-nyń basqarýshy dırektory, sondaı-aq «Agrarlyq nesıe korporatsııasy» AQ-nyń Basqarma tóraǵasy laýazymdaryn atqarǵan. 2021-2022 jyldary «Báıterek» ulttyq basqarýshy holdıngi» AQ-nyń basqarýshy dırektory, 2022-2023 jyldary QR Prezıdenti Іs basqarmasynyń apparat basshysy, 2024-2025 jyldary «QazaqGaz» ulttyq kompanııasy» AQ-nyń apparat basshysy bolǵan.

Qazirgi laýazymyn 2025 jylǵy jeltoqsannan bastap atqaryp keledi.

46 jyl buryn (1980) Qazaqstan Respýblıkasy Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Nurlan Abaıuly ESEMBAEV dúnıege keldi.

Pavlodar oblysy Ýspen aýdany, Bogatyr aýylynda týǵan. 2003 jyly Pavlodar ýnıversıtetin «Avtomobılder jáne avtomobıl ónerkásibi» mamandyǵy boıynsha, 2006 jyly Pavlodar memlekettik pedagogıkalyq ınstıtýtyn «Dene shynyqtyrý jáne sport» mamandyǵy boıynsha, 2016 jyly Toraıǵyrov atyndaǵy Pavlodar memlekettik ýnıversıtetin «Saıasattaný» mamandyǵy boıynsha bitirgen.

Eńbek joly: 2004-2006 jyldary Konstantınovka orta mektebinde óndiriske úıretý sheberi, 2006-2008 jyldary Konstantınovka orta mektebinde dene tárbıesi jónindegi nusqaýshy, 2008-2009 jyldary Pavlodar oblysy Dene tárbıesi jáne sport basqarmasy buqaralyq-dene tárbıesi jumysy bóliminiń jetekshi mamany, 2009-2009 jyldary Pavlodar oblysynyń Týrızm, dene tárbıesi jáne sport basqarmasy buqaralyq-dene tárbıesi jumysy bóliminiń jetekshi mamany, 2009-2011 jyldary Pavlodar oblysy Týrızm, dene tárbıesi jáne sport basqarmasy sport bóliminiń bas mamany, 2012-2015 jyldary Dúnıejúzilik toǵyzqumalak federatsııasynyń vıtse-prezıdenti, 2011-2013 jyldary Pavlodar oblysy Týrızm, dene tárbıesi jáne sport basqarmasy buqaralyq-dene tárbıesi jumysy bóliminiń bas mamany, 2013-2014 jyldary Pavlodar oblysy Dene tárbıesi jáne sport basqarmasy buqaralyq-dene tárbıesi jumysy bóliminiń bastyǵy, 2014 -2015 jyldary Pavlodar oblysy Dene tárbıesi jáne sport basqarma basshysy orynbasarynyń mindetin atqarýshy, 2015 -2019 jyldary Pavlodar oblysy Dene tárbıesi jáne sport basqarma basshysynyń orynbasary, 2019 -2022 jyldary Pavlodar oblysynyń Týrızmdi jáne sportty damytý jónindegi basqarmasy basshysynyń orynbasary, 2022-2024 jyldary Pavlodar oblysy Dene shynyqtýrý jáne sport basqarmasy basshysynyń orynbasary laýazymyn atqarǵan.

Qazirgi qyzmetin 2025 jyldyń aqpan aıynan bastap atqaryp keledi.

42 jyl buryn (1984) Kókshetaý qalasynyń ákimi Ánýar Qaıyrgeldiuly KÚMPEKEEV dúnıege keldi.

2005 jyly M.V.Lomonosov atyndaǵy Máskeý memlekettik ýnıversıtetin «Ekonomıka bakalavry» dárejesimen, 2007 jyly Ulybrıtanııadaǵy Bredford ýnıversıtetin «Ekonomıkalyq saıasat magıstri» dárejesimen bitirgen. 2016 jyly Sh.Ýálıhanov atyndaǵy Kókshetaý memlekettik ýnıversıtetin «Qurylys» mamandyǵy boıynsha aıaqtaǵan. 2024 jyly Shveıtsarııadaǵy Eýropalyq bıznes-mektebin "Bıznes ákimshilendirý magıstri» dárejesimen bitirgen.

Eńbek jolyn 2005 jyly QR Densaýlyq saqtaý mınıstrliginiń Ekonomıka jáne qarjy departamentiniń jetekshi mamany bolyp bastaǵan. 2007-2008 jyldary «Qazaqstan Respýblıkasy Ulttyq bıotehnologııa ortalyǵy» RMK Marketıng jáne kommertsııalandyrý departamentiniń dırektory, Strategııalyq damý departamentiniń dırektory bolyp jumys istedi. 2008-2009 jyldary kommertsııalyq qurylymdarda basshylyq qyzmetter atqardy. 2009-2012 jyldary «Turǵyn úı-kommýnaldyq sharýashylyǵyn jańǵyrtý jáne damytý qazaqstandyq ortalyǵy» AQ Ǵylymı-tehnıkalyq saıasat jáne normatıvteý departamentiniń dırektory, basqarýshy dırektor - Basqarma múshesi, 2012-2015 jyldary Aqmola oblysy Stepnogorsk qalasy ákiminiń orynbasary,
2015-2018 jyldary Aqmola oblysy Stepnogorsk qalasynyń ákimi, 2018-2019 jyldary Pavlodar qalasynyń ákimi, 2019-2020 jyldary «Transtelekom» AQ Basqarma tóraǵasynyń keńesshisi, 2020-2024 jyldary «Transtelekom» AQ Basqarma tóraǵasynyń orynbasary, 2024 jyly Aqmola oblysy ákiminiń keńesshisi laýazymyn atqardy.

Qazirgi laýazymyna 2024 jylǵy qarashada taǵaıyndaldy.

35 jyl buryn (1991) Qazaqstan Respýblıkasy Prezıdenti Ákimshiliginiń Kólik-logıstıka salasyn damytý bólimi meńgerýshisiniń orynbasary Jansulý Ermuhanqyzy MAQAJANOVA dúnıege keldi.

Qaraǵandy qalasynda týǵan. T.Rysqulov atyndaǵy Qazaq ekonomıkalyq ýnıversıtetin, T.Rysqulov atyndaǵy Jańa ekonomıkalyq ýnıversıtet, Qaztutynýodaǵynyń Qaraǵandy ekonomıkalyq ýnıversıtetin bitirgen.

Eńbek joly: 2013-2014 jyldary T.Rysqulov atyndaǵy «Qazaq ekonomıkalyq ýnıversıteti» AQ ǴZJ uıymdastyrý bóliminiń mamany, 2014 jyly QR Indýstrııa jáne jańa tehnologııalar mınıstrligi Týrızm ındýstrııasy komıtetiniń óńirlik damý jáne týrızm ınfraqurylymy basqarmasynyń is júrgizýshisi, sarapshysy, 2014-2017 jyldary QR Investıtsııalar jáne damý mınıstrligi Investıtsııalar komıtetiniń ınvestıtsııalyq saıasat basqarmasynyń sarapshysy, bas sarapshysy, 2017-2022 jyldary QR Premer-mınıstri keńsesiniń Indýstrııalyq-ınnovatsııalyq damý bóliminiń sarapshysy, bas sarapshysy, bas konsýltanty, bas ınspektory, 2022-2026 jyldary QR Prezıdentiniń Ákimshiligi Áleýmettik-ekonomıkalyq saıasat bóliminiń sektor meńgerýshisi bolyp qyzmet atqarǵan.

Qazirgi laýazymyn 2026 jyldyń qańtarynan bastap atqaryp keledi.

34 jyl buryn (1992) Astana qalasynyń Jumyspen qamtý jáne áleýmettik qorǵaý basqarmasynyń basshysy Erlan Nurlanuly JÚSІPOV dúnıege keldi.

Ońtústik Qazaqstan oblysy, Kentaý qalasynda týǵan. 2014 jyly L. N. Gýmılev atyndaǵy Eýrazııa ulttyq ýnıversıtetin mádenıettaný mamandyǵy boıynsha, 2016 jyly L. N. Gýmılev atyndaǵy Eýrazııa ulttyq ýnıversıtetin mádenıettaný mamandyǵy boıynsha (gýmanıtarlyq ǵylymdar magıstri), 2018 jyly Ońtústik Qazaqstan ınjenerlik-pedagogıkalyq Halyqtar dostyǵy ýnıversıtetin quqyqtaný mamandyǵy boıynsha bitirgen.

Eńbek joly: 2014-2015 jyldary QR Mádenıet jáne sport mınıstrligi Mádenıet komıtetiniń «Qazaqstan Respýblıkasynyń Ulttyq mýzeıi» respýblıkalyq memlekettik qazynalyq kásiporny, ekskýrsııa jetekshisi, 2015-2018 jyldary «Monitoring System Group» JShS jobalar jónindegi menedjeri, 2018 jyly «Astana qalasynyń Jumyspen qamtý jáne áleýmettik qorǵaý basqarmasy» MM zań bólimi bas mamanynyń m.a., 2018-2019 jyldary «Astana qalasynyń Jumyspen qamtý jáne áleýmettik qorǵaý basqarmasy» MM zań bóliminiń bas mamany, 2019-2020 jyldary «Nur-Sultan qalasynyń Jumyspen qamtý jáne áleýmettik qorǵaý basqarmasy» MM zań bóliminiń bas mamany, 2020-2022 jyldary – «Nur-Sultan qalasynyń Jumyspen qamtý jáne áleýmettik qorǵaý basqarmasy» MM zań bóliminiń basshysy, 2022-2025 jyldary «Astana qalasynyń Jumyspen qamtý jáne áleýmettik qorǵaý basqarmasy» MM basshysynyń orynbasary bolyp qyzmet atqarǵan.

Qazirgi laýazymyn atqarýǵa 2025 jyldyń qarashasynda kiristi.