11 mamyrdan bastap «Balqash-Býrylbaıtal» avtojoly aqyly bolady

ASTANA. KAZINFORM – 11 mamyrdan bastap respýblıkalyq mańyzy bar «Balqash-Býrylbaıtal» avtomobıl jolynyń 1864-1955 shaqyrym aralyǵyndaǵy ýchaskesi aqyly bolady, dep habarlaıdy «QazAvtoJol» ulttyq kompanııasy.

Ulttyq kompanııanyń baspasóz qyzmetiniń habarlaýynsha, aqyly jol ýchaskesiniń jalpy uzyndyǵy 91 shaqyrym, І-b sanaty, ótý jolaǵynyń eni keminde 3,75 metr, eki baǵytta eki jolaq.

Balama tegin jol «Balqash – Qaraǵandy – Qarqaraly – Aıagóz – Taldyqorǵan – Kóktal – Shonjy – Kókpek – Almaty – Qurty – Býrylbaıtal» avtomobıl joly arqyly usynylady.

Jeńil, avtobýs, júk kólikteri úshin aılyq jáne jyldyq abonement usynylady. Ol úshin 1403 baılanys ortalyǵyna habarlasý qajet.

-Sondaı-aq, tólemdi keıin nemese aldyn ala tóleýge bolady. Júrgizýshilerge yńǵaıly bolý úshin ekinshi deńgeıli bankter arqyly onlaın tólem qarastyrylǵan,-delingen habarlamada.

Osyǵan deıin Qazaqstannyń aqyly joldarynda kimder tegin júre alatyny týraly jazdyq.