11 qyrkúıekten bastap Ózbekstan men Qazaqstan arasyndaǵy áýe qatynasy qalpyna keledi
TAShKENT. QazAqparat – Ózbekstan áýe jelileri Qazaqstanmen turaqty áýe qatynasyn qalpyna keltirip otyr, dep habarlaıdy QazAqparat.
Atap aıtqanda «Tashkent - Almaty - Tashkent» baǵytyndaǵy alǵashqy reıs 11 qyrkúıekke belgilenip, aptasyna bir ret, juma kúni ushady. Budan bólek, «Uzbekistan Airways» AQ kompanııasy BAÁ, Germanııa, Qyrǵyzstan jáne Túrkııamen turaqty áýe qatynasyn kezeń-kezeńimen qalpyna keltiretinin habarlady.
Joǵaryda atalǵan elderden Ózbekstanǵa «Uzbekistan Airways» AK reısterimen ushýdy josparlap otyrǵan jolaýshylar reıstiń ushýyna deıin 72 saǵat jaramdy bolatyn COVID-19 ınfektsııasyna (PTR ádisimen) tapsyrylǵan test týraly anyqtamany usynýy tıis.
Budan bólek, Germanııa, Qazaqstan, Qyrǵyzstan, BAÁ, Túrkııa elderinen turaqty reıspen ushyp keletin jolaýshylardyń qolynda COVID-19 teris nátıjesin kórsetetin anyqtama bolýy kerek. Olar termometrııadan ótip, 14 kún ózin-ózi oqshaýlaýǵa mindetteıtin anketany toltyrýy qajet.
