11 qyrkúıekte Qazaqstanda ótetin mańyzdy sharalarǵa sholý
ASTANA. QazAqparat - QazAqparat halyqaralyq aqparat agenttigi 11 qyrkúıekte Qazaqstanda ótetin mańyzdy sharalarǵa sholý usynady.
ASTANA
10.00-de «Úkimet úıinde» Úkimet otyrysy bastalady.
10.00-de QR Mádenıet jáne sport mınıstrliginiń qoldaýymen QR Ulttyq akademııalyq kitaphanasy Astananyń 20 jyldyǵyna arnalǵan «Zamanaýı álemdegi oqý mádenıeti» ІІІ halyqaralyq kongresin ótkizedi.
11.00-de «Astana - adaldyq alańy» jobasy aıasynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenovtyń tóraǵalyǵymen orta bilim berý uıymdaryndaǵy jemqorlyqpen kúres máseleleri boıynsha jınalys ótedi.
11.00-de Trıatlon parkte «Densaýlyq festıvali» keń aýqymdy aktsııasy bastalady.
ALMATY
11.30-da Almatynyń óńirlik kommýnıkatsııalar qyzmetinde «Múmkindigi shekteýli adamdarǵa arnalǵan kedergisiz orta qurý máseleleri» taqyrybynda baspasóz máslıhaty ótedi.
15.00-de N. Dáýletova zalynda Qaısar Álimniń alty kitabynyń - «Mirjaqyptyń oralýy. Vozvraşenıe Mırjakıpa», «Bezingen láılek», «Óz órmegim» (ІІ-tom), «Kaısar ız Kyzbelıa», «Kaısar Alım» jáne jazýshy týraly «Qalam kıesi» derekti fılminiń tusaýkeseri ótedi.
AQMOLA OBLYSY
15.00-de Óńirlik kommýnıkatsııalar qyzmetinde «Aqmola oblysynyń komandasy jedel medıtsınalyq járdem brıgadalarynyń III respýblıkalyq jarysynda 1 orynǵa ıe bolǵany týraly» brıfıng ótedi.
Spıkerler: Aqmola oblysy boıynsha ulttyq oqý-klınıkalyq ortalyǵynyń dırektory - Mustafaeva Gúlmıra Óskenbaıqyzy, Kókshetaý qalalyq jedel medıtsınalyq járdem stantsııasy bas dárigeriniń orynbasary - Demın Mıhaıl Pavlovıch jáne feldsher, komanda kapıtany - Temirjanov Baqytjan Temirjanuly.
