11 qyrkúıek. Týǵan kún ıeleri
ESІMDER
82 jyl buryn (1936) QR Densaýlyq saqtaý mınıstrliginiń pedıatrııa jáne balalar hırýrgııasy ǵylymı ortalyǵynyń qurmetti dırektory ORMANTAEV Kamal Sárýaruly dúnıege keldi.
Qyzylorda oblysynyń Qarmaqshy aýdanynda týǵan.
Іri ǵalym, birqatar basymdyqty ǵylymı baǵyttardyń negizin qalaýshy, pedagog jáne joǵary bilikti hırýrg, medıtsına ǵylymdarynyń doktory, Qazaqstan ǵylymyna eńbek sińirgen qaıratker, QR Memlekettik syılyǵynyń laýreaty. 2000 jáne 2003 jyldarda «Altyn adam» ataǵyna ıe boldy. QR profılaktıkalyq medıtsına akademııasynyń vıtse-prezıdenti, QR UǴA akademıgi, Medıtsına ǵylymdary akademııasynyń korrespondent-múshesi.
«Parasat» ordenimen marapattalǵan.
60 jyl buryn (1958) Batys Qazaqstan oblysy Tasqala aýdanynyń ákimi HALELOV Aldııar Sansyzbaıuly dúnıege keldi.
Batys Qazaqstan oblysynda týǵan. 1981 jyly Jambyl gıdromelıoratıvtik-qurylys ınstıtýtyn ınjener-gıdrotehnık mamandyǵy boıynsha bitirgen.
Eńbek joly: 1981 jyldan 1988 jylǵa deıin Prıýral aýdanynyń Jelaev aýdandyq aýyl sharýashylyǵy birlestiginde ınjener-gıdrotehnık, kásipodaq komıtetiniń tóraǵasy boldy;
1988-1990 jyldary osy aýdannyń M.Mámetova atyndaǵy kolhozy partııa komıtetiniń hatshysy;
1990 jyldan 1996 jylǵa deıin Trekın aýylynyń ákimi bolyp qyzmet atqarǵan;
1996-1997 jyldary - Prıýral aýdany ákiminiń birinshi orynbasary;
1997-2011 jyldary aralyǵynda Zelenov aýdany ákiminiń orynbasary boldy;
2011-2016 jyldary Batys Qazaqstan oblysy Shyńǵyrlaý aýdanynyń ákimi,
2016 jyldan 2018 jylǵa deıin Batys Qazaqstan oblysy Bórli aýdanynyń ákimi;
2018 jylǵy maýsym aıynan beri qazirgi qyzmetinde.
53 jyl buryn (1965) rejısser, stsenarıst QARAQULOV Ámir Bolatuly dúnıege keldi.
Almaty qalasynda týǵan. Almaty memlekettik teatr kórkemsýret ınstıtýtyn (qazirgi T.K.Júrgenov atyndaǵy Qazaq ulttyq óner akademııasy), S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), S.A.Gerasımov atyndaǵy Búkilreseılik memlekettik kınematografııalyq ınstıtýtyn bitirgen.
«D'Arcy» jarnama agenttiginde kreatıv dırektory, «Qazaqfılm» kınostýdııasyndaǵy «Debıýt-reklama» jetekshisi, Qazaqstan kınematografıster odaǵynyń tóraǵasy qyzmetterin atqarǵan.
«Razlýchnıtsa», «Golýbınnyı zvonar», «Poslednıe kanıkýly», «Jylama», «Nerealnaıa lıýbov» fılmderin túsirgen.
45 jyl buryn (1973) Qazaqstan Respýblıkasy UQK Shekara qyzmetiniń «Ońtústik» óńirlik basqarmasynyń bastyǵy QALIEV Arman Zarlyquly dúnıege kelgen.
Aqtóbe qalasynda týǵan. 1993 jyly Galıtsın joǵary áskerı-saıası ýchılışesin, 1995 jyly Qazaqstan Respýblıkasy UQK Áskerı ınstıtýtyn, 2005 jyly RF Federaldy qaýipsizdik qyzmetiniń akademııasyn aıaqtaǵan.
Shekara zastavasy bastyǵynyń orynbasary, bastyǵy, shekara otrıady komendatýrasy komendantynyń orynbasary, shtab bastyǵy, shekara otrıadynyń bastyǵy, óńirlik basqarma bastyǵynyń birinshi orynbasary laýazymdaryn atqardy.
2013 jyldyń shildesinen qazirgi qyzmetinde.
Medaldarmen nagradtalǵan.
44 jyl buryn (1974) Qazaqstan Respýblıkasy Parlamenti Májilisiniń VI shaqyrylymynyń depýtaty, Áleýmettik-mádenı damý komıtetiniń múshesi PLATONOV Artýr Stanıslavovıch dúnıege keldi.
Almaty qalasynda týǵan. Chaıkovskıı atyndaǵy Máskeý memlekettik konservatorııasynyń tarıhı-teorııalyq fakýltetin támamdaǵan, mamandyǵy - ónertanýshy. «Opery Verdı 40-yh godov» monografııanyń avtory jáne 50-den astam batys eýropalyq mýzyka teatrynyń tarıhy jónindegi ǵylymı jumystarynyń avtory.
1999-2010 jyldary Qurmanǵazy atyndaǵy Qazaq ulttyq konservatorııasynda batys eýropalyq mýzyka teatrynyń tarıhy jóninde avtorlyq kýrsta lektsııa oqydy. 2001-2011 jyldary - KTK arnasyndaǵy «Portret nedelı» baǵdarlamasynyń júrgizýshisi ári jetekshisi. 2006 jyldan bastap Teledıdar jáne radıo Halyqaralyq Eýrazııalyq akademııasynyń akademıgi (Máskeý). 2010 jyldan bastap Halyqaralyq aqparattyq tehnologııalar ýnıversıtetiniń Menedjment jáne qoǵamdyq tártip kafedrasynyń professory (Almaty qalasy), 2006-2007 jyldary - «KTK» AQ-nyń prezıdenti, 2007 jyldan bastap - KTK-nyń jeke habar taratý arnasynyń dırektory. 2011 jylǵy 11 qyrkúıekten bastap - «Slýgı naroda» baǵdarlamasynyń júrgizýshisi jáne avtory ári prdıýseri. 2014 jyldan - 2016 jylǵy naýryz aıyna deıin KTK-nyń strategııalyq damýy boıynsha dırektory. 2015 jyldan bastap qaıtadan «Portret nedelıge» shaqyrylǵan. Basshy, avtor jáne júrgizýshi. 2015 jyldan bastap - Qazaqstan Respýblıkasy Memlekettik hatshysynyń keńesshisi.
2016 jylǵy 24 naýryzdan Qazaqstan Respýblıkasy Parlamenti Májilisiniń VI shaqyrylymynyń depýtaty, «Nur Otan» partııasynyń múshesi, Áleýmettik-mádenı damý komıtetiniń múshesi.