11 qyrkúıek qurbany 16 jyldan keıin anyqtaldy
ASTANA. QazAqparat - 2001 jyldyń 11 qyrkúıegi kúni Dúnıejúzilik saýda ortalyǵyna shabýyl saldarynan qaza tapqan bir er adamnyń kim ekendigi 16 jyldan keıin anyqtaldy, dep habarlady seısenbi kúni BBC News.
Medıtsına qyzmetkerleri mert bolǵan azamattyń tulǵasyn DNQ arqyly jańa tehnologııalardyń kómegimen anyqtady. Biraq ol týraly aqparattar ázirge týysqandarynyń ótinishi boıynsha jarııalanbaı otyr. Osy ýaqytqa deıin ǵımarattyń qulaýy kezinde ajal qushqan 1112 adamnyń tulǵasyn anyqtaý múmkin bolmaı kelgen, bul terakt qurbanyna aınalǵandardyń (2753) jalpy sanynyń 40 paıyzyn quraıdy.
Eske sala ketsek, lańkestik uıymdar baǵyttaǵan eki jolaýshylar ushaǵynyń soǵýynan keıin Dúnıejúzilik saýda úıleriniń eki birdeı munarasy qıraǵan bolatyn. Taǵy bir ushaq Pentagon ǵımaratyna soǵylǵan. Sol kúni shamamen úsh myń adam qaza tapty.
