11 qyrkúıekten bastap Reseıden zańsyz mıgranttar shyǵarylmaq

MÁSKEÝ. KAZINFORM — Reseı aýmaǵynda bolýǵa zańdy negizin joǵaltqan shetel azamattary búginge deıin óz quqyqtyq mártebesin erkin retteı aldy. Al 11 qyrkúıekten bastap mundaı múmkindik bolmaıdy, olardy elden shyǵarý bastalady, dep jazady agenttik tilshisi.

Bul týraly Reseıdiń ishki ister mınıstrligi habarlady.

Vedomstvo málimetinshe, atalǵan azamattarǵa elden shyǵarylǵanǵa deıin zańda qarastyrylǵan barlyq shekteý sharalary qoldanylady. Sonyń ishinde — Reseıge qaıta kirýge tyıym salý da bar.

11 qyrkúıekten bastap kóshi-qon zańyn buzǵandarǵa nekege turýǵa nemese ajyrasýǵa, balalaryn balabaqshaǵa ne mektepke berýge, kólik basqarýǵa, kúndelikti ómirde qajet birqatar qyzmetti alýǵa tyıym salynady.

ІІM elde mártebesin rettegisi kelgen sheteldikterge turǵylyqty jeri boıynsha pasport-vıza ortalyǵyna nemese kóshi-qon bólimshesine júginýge bolatynyn eske saldy.

Buǵan deıin jazǵanymyzdaı, 1 qyrkúıektegi jaǵdaı boıynsha RF ІІM baqylaýyndaǵy tizimde mártebesin zańdastyrmaǵan shamamen 770 myń shetel azamaty tirkelgen.

Aıta keteıik, tamyz aıynda kóshi-qon erejesin buzǵandarǵa Reseıde zańdastyrýǵa bir aı ǵana qalǵany habarlanǵan bolatyn.