11 qyrkúıek kúni el aýmaǵynda jel kúsheıedi
ASTANA. KAZINFORM – «Qazgıdromet» RMK 11 qyrkúıekke arnalǵan qaýipti meteorologııalyq qubylystar boljamyn jarııalady.
Derekke qaraǵanda, Qazaqstannyń basym aýmaǵynda aýa raıyna tsıklon jáne onymen baılanysty atmosferalyq frontaldy bólikter yqpal etedi. Osyǵan baılanysty naızaǵaı oınap, jańbyr jaýady.
Respýblıkanyń soltústiginde, shyǵysynda jáne ortalyǵynda qatty jańbyr, burshaq, daýyl kútiledi.
Batysta, ońtústik-batysta jáne ońtústikte jaýyn-shashynsyz aýa raıy boljanǵan.
El boıynsha jel kúsheıýi múmkin. Sonymen qatar batysta, soltústikte, shyǵysta jáne ortalyq óńirlerde túngi jáne tańǵy ýaqytta tuman túsýi yqtımal.
Jetisý oblysynyń soltústigi men shyǵysynda, Almaty oblysynyń ońtústigi men shyǵysynda, Qaraǵandy oblysynyń soltústiginde, Aqmola oblysynyń soltústik-batysynda, Batys Qazaqstan oblysynyń ońtústigi men shyǵysynda, Atyraý oblysynyń batysynda, Aqtóbe oblysynyń batysy men ortalyǵynda, Qostanaı oblysynyń ońtústik-shyǵysynda, Ulytaý oblysynyń shyǵysynda joǵary órt qaýpi kútiledi.
Almaty, Túrkistan, Qyzylorda, Mańǵystaý, Atyraý, Jambyl, Jetisý oblystarynda, Batys Qazaqstan oblysynyń batysynda, Qostanaı oblysynyń ońtústik-batysynda, Qaraǵandy oblysynyń ońtústiginde, Aqtóbe oblysynyń shyǵysynda, Ulytaý oblysynyń ońtústiginde tótenshe órt qaýpi boljanady.
Aıta keteıik, Qyzylordada aıdyń sońynda kún sýı bastaıdy.