11 qazanǵa arnalǵan aýa raıy boljamy
NUR-SULTAN. QazAqparat - Sınoptıkter 11 qazan, dúısenbi kúni el aýmaǵynda aýa raıy qandaı bolatynyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Antıtsıklon áli de respýblıkanyń batys jartysyna yqpal ete beredi, sondyqtan munda jaýyn-shashyn jaýmaıdy.
Qazaqstannyń shyǵys aýmaǵynda tsıklon jáne oǵan baılanysty atmosferalyq fronttardyń áserinen jaýyn-shashyn jaýady, ońtústik-shyǵystyń taýly aýdandarynda qatty jaýyn-shashyn (jańbyr, qar) túsedi.
Elimizdiń ońtústik-batysynda, soltústiginde, ońtústik-shyǵysynda, shyǵysynda - jel kúsheıedi, ońtústik-batysynda - shańdy daýyl soǵyp, tuman túsedi, soltústiginde - kóktaıǵaq bolady.
Jambyl oblysynyń soltústik-shyǵysynda jáne taýly aýdandarynda tuman túsedi, o ńtústik-batysynda jel ekpini 25 m/s deıin kúsheıedi.
Aqmola oblysynyń shyǵys jartysynda tuman túsedi, kóktaıǵaq bolady. Kúndiz oblystyń ońtústik-shyǵysynda jeldiń kúshi 15-20 m/s jetedi.
Almaty oblysynyń taýly aımaqtarynda jáne taý bókterinde tuman túsedi. Túnde - oblystyń batysynda, kúndiz - shyǵysynda sekýndyna 15-20 metr jyldamdyqpen jel soǵady.
Kúndiz Qyzylorda oblysynyń ortalyǵynda jel qarqyny - 15-20 m/s. Shańdy daýyl turady.
Qostanaı oblysynyń soltústiginde tuman túsedi, ońtústiginde jel ekpini 15-20 m/s deıin kúsheıedi.
Shyǵys Qazaqstan oblysynyń batysynda jel jyldamdyǵy 15-20 m/s jetedi.
Túnde jáne tańerteń Soltústik Qazaqstan oblysynyń soltústiginde, Atyraý oblysynyń soltústiginde, batysynda, Mańǵystaý oblysynda tuman bolady.
Túnde jáne tańerteń Aqtóbe oblysynyń soltústiginde, soltústik-shyǵysynda jáne Túrkistan oblysynyń taýly aýdandarynda tuman túsedi.
