11 qazan kúni Astanada ótetin mańyzdy is-sharalar ańdatpasy
ASTANA. KAZINFORM – Kazinform halyqaralyq aqparat agenttigi 11 qazanda bolatyn mańyzdy is-sharalar ańdatpasyn usynady.
ASTANA
10:00-de «Altyn Orda» bıznes-ortalyǵynda QR PІB janyndaǵy Parlamentarızm ınstıtýty Qazaqstandaǵy medıatsııanyń bolashaǵyn talqylaýǵa arnalǵan dóńgelek ústel ótkizedi.
12:00-de «Qazaqstan» jeńil atletıkalyq kesheniniń baspasóz ortalyǵynda aldaǵy halyqaralyq kúres túrlerinen ótetin jarystarǵa qatysý jáne «Grek-rım, erkin jáne áıelder kúresi federatsııasy» respýblıkalyq qoǵamdyq birlestiginiń qyzmeti jóninde brıfıng ótedi.
12:30-da QR Ulttyq banki bazalyq mólsherleme boıynsha sheshim qabyldaý faktorlaryn túsindirýge arnalǵan baspasóz brıfıngin ótkizedi.
14:30-da QR Prezıdenti janyndaǵy Ortalyq kommýnıkatsııalar qyzmeti «Qazaqstanda ana men bala densaýlyǵyn qorǵaýdy nyǵaıtý» taqyrybynda baspasóz konferentsııasyn ótkizedi.
15:00-de QR Ulttyq mýzeıinde kórnekti qazaq aqyny, memleket qaıratkeri Sáken Seıfýllınniń týǵanyna 130 jyl tolýyna arnalǵan «Sáken júrip ótken jol» atty dóńgelek ústel ótedi.
15:00-de qalalyq máslıhattyń májilis zalynda Astana qalasynyń Qoǵamdyq keńesiniń otyrysy ótedi.
