11 qazan. Kazinform kúntizbesi. Tulǵalar týǵan kún

Rollan SEISENBAEV, jazýshy, dramatýrg, aýdarmashy, baspager

1946 jyly Semeı qalasynda dúnıege kelgen. 1969 jyly Semeı tehnologııalyq ınstıtýtyn, 1975-1977 jyldary M. Gorkıı atyndaǵy Ádebıet ınstıtýty janyndaǵy Joǵary ádebı kýrstardy bitirgen.

Eńbek joly men jetistikteri: 1975 jyly «Jajda» atty kitaby jaryq kórdi. Oblystyq gazette, teledıdarda jáne oblystyq komsomol komıtetinde qyzmet atqarǵan, qalalyq atqarý komıteti tóraǵasynyń orynbasary bolǵan. 1975-1991 jyldary KSRO Jazýshylar odaǵynda qazaq ádebıeti boıynsha jaýapty hatshy qyzmetin atqardy. 1992 jyly «ıAdrolyq synaqtardyń qurbany — balalar» qoryn qurǵan. 1993 jyly «Qazaqstan» teleradıokorporatsııasynda «Abaı álemi» baǵdarlamasyn ashqan. 1994-1996 jyldary Qazaqstan Respýblıkasy Prezıdentiniń keńesshisi boldy. 1995 jyly Londonda táýelsiz «Abaı úıi» mádenı ortalyǵyn ashty. 2000 jyly Semeıde «Halyqaralyq Abaı klýbyn» jáne «Amanat» jýrnalyn qurdy. 2012 jyly ál-Farabı atyndaǵy Qazaq ulttyq ýnıversıteti janyndaǵy Álem halyqtary ádebıeti ınstıtýtyn jáne «Halyqaralyq Abaı klýbyn» basqardy. 2022 jyly Radius jáne Pegasus Brucke óner ortalyqtary taǵaıyndaǵan «Álemniń altyn jazýshysy» syılyǵyna, 2023 jyly Taras Shevchenko atyndaǵy halyqaralyq syılyqqa ıe boldy.

«Shaıtannyń taǵy», «Ózimdi izdep júrmin», «Ómir súrgiń kelse», «Begstvo», «Eshqaıda bastamaıtyn baspaldaq», «Jajda», «Mertvye brodıat v peskah» jáne basqa da romandardyń avtory.

Hankeldi ÁBJANOV, Qazaqstan Respýblıkasy Ulttyq ǵylym akademııasynyń akademıgi

1953 jyly Qaraǵandy oblysy Jańaarqa aýdanynda dúnıege kelgen. 1976 jyly QazMÝ-dyń tarıh fakýltetin bitirgen.

Eńbek joly: 1977-1979 jyldary Tselınograd ınjenerlik-qurylys ınstıtýtynyń tarıh kafedrasynda oqytýshy boldy. 1993-1999 jyldary Abaı atyndaǵy Qazaq ulttyq pedagogıkalyq ýnıversıtetiniń tarıhnama jáne derektaný kafedrasyn basqardy. 1999-2009 jyldary L. N. Gýmılev atyndaǵy Eýrazııa ulttyq ýnıversıtetinde professor, kafedra meńgerýshisi jáne «Eýrazııa» gýmanıtarlyq zertteýler ǵylymı ortalyǵy dırektorynyń orynbasary qyzmetterin atqardy. 2009-2011 jyldary Memleket tarıhy ınstıtýty dırektorynyń birinshi orynbasary, 2011-2017 jyldary Sh. Sh. Ýálıhanov atyndaǵy Tarıh jáne etnologııa ınstıtýtynyń dırektory boldy. 2019 jyly Qazaq memlekettik agrarlyq ýnıversıtetiniń «Rýhanı jańǵyrý» ortalyǵyn basqardy. 2023 jyly Abaı atyndaǵy Qazaq ulttyq pedagogıkalyq ýnıversıtetiniń Qazaqstan tarıhy kafedrasynda professor boldy.

2008 jyly «Astanaǵa 10 jyl», 2011 jyly «Qazaqstan Respýblıkasynyń táýelsizdigine 20 jyl» mereıtoılyq medaldarymen marapattalǵan.

Ermek SAǴYMBAEV, Qazaqstan Respýblıkasy Ulttyq qaýipsizdik komıtetiniń tóraǵasy

1967 jyly Almaty oblysynda dúnıege kelgen. Qazaq polıtehnıkalyq ınstıtýtyn ınjener-elektromehanık mamandyǵy boıynsha, ál-Farabı atyndaǵy Qazaq ulttyq ýnıversıtetin quqyqtaný mamandyǵy boıynsha bitirgen.

Eńbek joly: 1994-2006 jyldary ulttyq qaýipsizdik organdarynda ofıtserlik qyzmetter atqardy. 2006-2019 jyldary qyzmet apparaty men jedel qamtamasyz etý bólimshelerinde ofıtserlik jáne basshylyq laýazymdarda jumys istedi. 2019-2021 jyldary Qazaqstan Respýblıkasy Memlekettik kúzet qyzmeti bastyǵynyń orynbasary ári Prezıdent kúzeti qyzmetiniń bastyǵy boldy. 2021 jyly Memlekettik kúzet qyzmeti bastyǵynyń orynbasary, al 2021-2022 jyldary osy qyzmettiń bastyǵy qyzmetin atqardy.

Qazirgi qyzmetin 2022 jyldyń qańtarynan bastap atqarady.

Lázzat TANYSBAI, «Habar» agenttigi» AQ basqarma tóraǵasy

1973 jyly Shyǵys Qazaqstan oblysynda dúnıege kelgen. Qazaq memlekettik tehnıkalyq ýnıversıtetin jáne Almaty halyqaralyq jýrnalıstıka ınstıtýtyn bitirgen.

Eńbek joly: 1993-1996 jyldary «Qazaqstan» RTRK júrgizýshisi, redaktor, reporter boldy. 1996-2001 jyldary «Habar» agenttiginiń jańalyqtar qyzmetinde redaktor-júrgizýshi qyzmetin atqardy. 2001-2002 jyldary agenttiktiń Astanadaǵy ortalyq bıýrosynyń atqarýshy prodıýseri boldy. 2002-2005 jyldary QR Prezıdentiniń baspasóz qyzmetinde bas sarapshy, sektor meńgerýshisi, bas ınspektor bolyp qyzmet etti. 2005-2007 jyldary QR Mádenıet jáne aqparat mınıstrligi aqparat jáne muraǵattar komıteti tóraǵasynyń orynbasary, 2008-2011 jyldary «Qazaqstan» RTRK basqarma tóraǵasynyń birinshi orynbasary, 2011-2012 jyldary QR Baılanys jáne aqparat vıtse-mınıstri, 2012 jyly «Astana» telearnasynyń bas dırektory laýazymyn atqarǵan. 2018-2019 jyldary «NUR-Medıa» holdıngin basqardy. 2019-2025 jyldary «QAZAQSTAN» respýblıkalyq teleradıokorporatsııasy» AQ basqarma tóraǵasy qyzmetin atqarǵan. 2025-2026 jyldary «Eýrazııa» birinshi arnasy» telearnasynyń bas dırektory boldy.

Qazirgi qyzmetin 2026 jyldyń tamyzynan bastap atqarady.

2010 jyly «Qurmet» ordenimen marapattalǵan. Qazaqstandyq BAQ arasynda «Altyn juldyz» baıqaýynda «Jyldyń úzdik telejúrgizýshisi» atalymyn jeńip alǵan. Qazaqstan Jýrnalıster odaǵy syılyǵynyń laýreaty.

Jalǵas SÚLEIMENOV, Soltústik Qazaqstan oblysynyń jer resýrstaryn basqarý departamentiniń basshysy

1982 jyly Reseıdiń Omby oblysy Isılkúl aýdanynda dúnıege kelgen. 2004 jyly M. Qozybaev atyndaǵy Soltústik Qazaqstan memlekettik ýnıversıtetin «Quqyqtaný» mamandyǵy boıynsha, 2014 jyly Qazaq ınjenerlik-tehnıkalyq akademııasyn «Jerge ornalastyrý» mamandyǵy boıynsha bitirgen.

Eńbek jolyn 2005 jyly № 2 Petropavl qalalyq ýchaskesiniń sot oryndaýshysy retinde bastaǵan. 2006-2007 jyldary jer resýrstaryn basqarý jónindegi aýmaqtyq basqarmada jetekshi maman qyzmetin atqardy. 2007-2015 jyldary jer ınspektsııasynda bas maman jáne basshynyń orynbasary boldy. 2015-2016 jyldary Petropavl qalasynyń jer qatynastary bóliminde ınspektor jáne bas maman bolyp jumys istedi. 2016-2020 jyldary Soltústik Qazaqstan oblysy ákimdiginiń Jer qatynastary basqarmasy basshysynyń orynbasary qyzmetin atqardy. 2020-2021 jyldary oblystyq Aýyl sharýashylyǵy basqarmasynda jerge ornalastyrý jáne jerdi paıdalaný máselelerine jetekshilik etti. 2021-2022 jyldary Soltústik Qazaqstan oblysynyń Jer ınspektsııasy basqarmasy basshysynyń orynbasary ári memlekettik ınspektor qyzmetin atqardy. 2022-2023 jyldary Qazaqstan Respýblıkasy Aýyl sharýashylyǵy mınıstrligi Jer resýrstaryn basqarý komıtetiniń Soltústik Qazaqstan oblysy boıynsha Jer resýrstaryn basqarý departamenti basshysynyń orynbasary ári memlekettik ınspektor boldy. 2023-2025 jyldary Soltústik Qazaqstan oblysy basqarmasy basshysynyń orynbasary qyzmetin atqardy.

Qazirgi qyzmetin 2025 jyldyń naýryz aıynan bastap atqaryp keledi.

Maksım ROJIN, Qazaqstan Respýblıkasy Quryltaıynyń depýtaty

1983 jyly Qaskeleń qalasynda dúnıege kelgen. 2005 jyly M. Áýezov atyndaǵy Ońtústik Qazaqstan memlekettik ýnıversıtetin «Kásiptik oqytý» mamandyǵy boıynsha, 2007 jyly «Pedagogıka jáne psıhologııa» mamandyǵy boıynsha magıstratýrany bitirgen.

Eńbek joly: 2005 jyly M. Áýezov atyndaǵy Ońtústik Qazaqstan memlekettik ýnıversıtetiniń Jastar isi jónindegi komıtetin basqardy. 2006 jyly «Astana» telearnasynda jańalyqtar dıktory, 2009 jyly «7 arnada» aptalyq qorytyndy-taldamalyq baǵdarlamanyń tilshisi boldy. 2013 jyly «Samuryq-Qazyna» korporatıvtik ýnıversıtetinde sarapshy, 2014 jyly «QazAvtoJol» UQ» AQ-da PR bóliminiń basshysy qyzmetin atqardy. Keıin «Qazaeronavıgatsııa» RMK-da baspasóz hatshysy, Qazaqstan Respýblıkasy Investıtsııalar jáne damý mınıstrliginiń Ortalyq kommýnıkatsııalar qyzmetinde kommýnıkatsııalar basqarmasynyń basshysy boldy. Dúnıejúzilik bank pen QR Bilim jáne ǵylym mınıstrliginiń Jastar korpýsyn damytý jobasynda qoǵammen baılanys jónindegi maman, 2018 jyly Túrkistan oblysy ákiminiń kommýnıkatsııalar jáne BAQ máseleleri jónindegi keńesshisi qyzmetterin atqardy. 2019 jyly «Qazyna Kapıtal Menedjment» AQ-da PR máseleleri jónindegi keńesshi boldy. 2020 jyly «El úmiti» baǵdarlamasynda medıa damytý jónindegi sarapshy, «Kazinform» halyqaralyq aqparat agenttigi basqarma tóraǵasynyń keńesshisi, mınıstrliktiń resmı ókili jáne Aqparat jáne qoǵamdyq damý mınıstriniń keńesshisi qyzmetterin atqardy. 2020-2023 jyldary «QAZCONTENT» AQ-nyń keńesshisi boldy. 2021 jyly «Qazaq tili» halyqaralyq qoǵamynyń vıtse-prezıdenti atandy jáne Qazaqstan Respýblıkasy Prezıdenti janyndaǵy Ulttyq qoǵamdyq senim keńesiniń múshesi boldy. 2022 jyly Prezıdent janyndaǵy Ulttyq quryltaıdyń múshesi bolyp taǵaıyndaldy. 2023-2026 jyldary Qazaqstan Respýblıkasy Parlamenti Májilisiniń VIII shaqyrylym depýtaty, Halyqaralyq ister, qorǵanys jáne qaýipsizdik komıtetiniń múshesi boldy.

2026 jyldyń tamyzynan bastap Qazaqstan Respýblıkasynyń Quryltaı depýtaty.

2019 jyly «Eren eńbegi úshin» medalimen, 2022 jyly «Qurmet» ordenimen marapattalǵan.

Azamat QALDYBEKOV, Almaty qalasy Bostandyq aýdanynyń ákimi

1984 jyly Taraz qalasynda dúnıege kelgen. 2006 jyly ál-Farabı atyndaǵy Qazaq ulttyq ýnıversıtetin halyqaralyq quqyq bakalavry, 2008 jyly osy mamandyq boıynsha magıstr dárejesin alǵan. 2013 jyly AQSh-tyń Soltústik Karolına shtatyndaǵy Dıýk ýnıversıtetinde quqyq magıstri dárejesin alǵan. Qazaq ulttyq agrarlyq zertteý ýnıversıtetinde fılosofııa doktory (PhD) dárejesin ıelengen.

Eńbek joly: Almaty qalasy Bostandyq aýdanynyń № 2 aýdandyq sotynda jetekshi maman bolyp eńbek jolyn bastaǵan. 2008-2011 jyldary Almaty qalasynyń óńirlik qarjy ortalyǵy qyzmetin retteý agenttiginde sarapshy jáne bas sarapshy qyzmetterin atqardy. 2011-2013 jyldary Almaty qalasynyń óńirlik qarjy ortalyǵyn damytý komıtetinde sarapshy jáne bas maman boldy. 2013-2016 jyldary «Samuryq-Qazyna» ulttyq ál-aýqat qory» AQ-da quqyqtyq qamtamasyz etý departamentiniń bas menedjeri, zań departamentiniń bas zańgeri jáne basqarma tóraǵasy hatshylyǵynyń hatshysy qyzmetterin atqardy. 2016-2017 jyldary «Azamattarǵa arnalǵan úkimet» memlekettik korporatsııasynyń Almaty qalasy boıynsha fılıalynda jer kadastry jáne jyljymaıtyn múlikti tehnıkalyq tekserý departamentiniń bas tehnıkalyq jetekshisi boldy. 2017-2018 jyldary Eýrazııa tehnologııalyq ýnıversıtetiniń damý jónindegi prorektory qyzmetin atqardy. 2018 jyly Almaty qalasy ákimdiginiń bas ınspektory, keıin Jetisý aýdany ákiminiń apparat basshysy boldy. 2019 jyly Almaty qalasynyń Jasyl ekonomıka basqarmasy basshysynyń, keıin Jer qatynastary basqarmasy basshysynyń orynbasary qyzmetterin atqardy. 2020-2024 jyldary Almaty qalasy Alataý aýdanynyń ákimi, 2024-2025 jyldary Almaty qalasy ákiminiń orynbasary boldy.

Qazirgi qyzmetin 2025 jyldyń qarasha aıynan bastap atqarady.