11 qazan. QazAqparat kúntizbesi
ASTANA. QazAqparat - QazAqparat oqyrmandaryna 2018 jylǵy 11 qazanǵa arnalǵan kúntizbesin usynady.
11 qazan. BEISENBІ
Halyqaralyq qyzdar kúni
2012 jyly BUU Bas Assambleıasy bekitken. Bul kúndi merekeleýdiń maqsaty - búkil álemdegi qyzdardyń teńsizdik jáne áleýmettik máselelerine nazar aýdartý. Olardyń ishinde bilim alý, tolyqqandy tamaqtaný, medıtsınalyq qyzmet alý, kemsitýshilikten, zorlyq-zombylyqtan, bala kezinen májbúrlep nekege turǵyzýdan qorǵaý máseleleri bar.
Bashqurtstan Respýblıkasynyń kúni
Bashqurtstan Respýblıkasy - Reseı Federatsııasynyń quramyndaǵy sýbekt.1990 jyly dál osy kúni Bashqurt AKSR-iniń táýelsizdigi týraly deklaratsııa qabyldandy.
Irlandııa Respýblıkasynyń Ulttyq meıramy - Konstıtýtsııa kúni (1922)
Irlandııa - Batys Eýropada ornalasqan memleket. Astanasy - Dýblın qalasy. Resmı tili - ırland jáne aǵylshyn tilderi. Aqsha birligi - ırland fýnty.
Argentınada muǵalimder kúni
Uly aǵartýshy, eldiń burynǵy prezıdenti Domıngo Faýstıno Sarmentonyń (1811-1888) qaıtys bolǵan kúnine oraı jyl saıyn atap ótiledi.
ESTE QALAR OQIǴALAR
1961 jyly Semeı polıgonynda alǵash ret jerasty ıadrolyq jarylysy jasaldy (KSRO-nyń jer ústindegi ıadrolyq jarylysy da osy Semeı jerinde 1949 jyly tamyzdyń 29-da jasalǵan bolatyn).
1994 jyly «Qazaqtelekom» UAQ kompanııasy quryldy.
1996 jyly Reseıdiń Astrahan oblysy Volodar aýdanynda uly kúıshi Qurmanǵazyny eske alý kúnderi ótti.
1997 jyly Qazaqstanda «Qazaqstan-2030» strategııalyq baǵdarlamasy qabyldandy.
1997 jyly Qazaqstan Respýblıkasy Qarýly Kúshteriniń Áskerı akademııasy quryldy.
2000 jyly «Túrkistan» halyqaralyq entsıklopedııasy jaryq kórdi. Entsıklopedııanyń bas redaktory - Ábdimálik Nysanbaev.
2009 jyly Aqtóbe oblysy Alǵa aýdanynyń ortalyǵynda múgedek balalardy saýyqtyrý ortalyǵy ashyldy.
Onyń negizgi maqsaty - tirek-qozǵalý apparattary zaqymdanǵan, psıhıkalyq damýy tejelgen, tserebraldy sal aýrýyna shaldyqqan jáne t.b. zardap shekken 3-ten 15 jas aralyǵyndaǵy múgedek balalardy medıtsınalyq saýyqtyrýǵa jáne áleýmettik beıimdeýge kómek kórsetý.
2010 jyly Elbasy Nursultan Nazarbaev Iran Islam Respýblıkasynyń Islam jınalysy Májilisiniń (Parlamenti) tóraǵasy Alı Ardashır Larıdjanıdi qabyldady. Kezdesý barysynda Qazaqstan-Iran ekonomıkalyq yntymaqtastyǵyn damytý, óńirlik qaýipsizdik, sondaı-aq parlamentaralyq baılanystardy nyǵaıtý máseleleri talqylandy.
2011 jyly Beıjiń qalasynda Astananyń mádenıet kúnderi bastaldy. Osyǵan oraı, Úlken ulttyq opera teatrynyń sahnasynda halyq ártisteri Roza Rymbaeva, Nurjamal Úsenbaeva, Aıman Musaqojaeva jáne taǵy basqalar óner kórsetti.
2011 jyly Memleket basshysy Nursultan Nazarbaev Eýropa Keńesiniń Bas hatshysy Torborn ıAglandty qabyldady. Kezdesýde Qazaqstannyń Eýropa Keńesimen yntymaqtastyq perspektıvalary, Eýropalyq Keńes elderiniń konventsııasyna qosylý jáne Eýropalyq Odaqpen qarym-qatynasyn nyǵaıtý týraly máseleler talqylandy.
2016 jyly Qazaqstan qyzdar úshin ómir súrýge qolaıly úzdik 30 eldiń qataryna kirdi. Reıtıngti Save the Children halyqaralyq úkimettik emes uıymy jasaǵan. Ol damýshy elderdegi balalardyń quqyǵyn qorǵaıdy. Reıtıngke qatysqan 144 eldiń ishinde Qazaqstan 30-oryndy ıelendi.
2016 jyly Parıj qalasyndaǵy ıÝNESKO-nyń shtab-páterinde Almatynyń 1000 jyldyǵyna arnalǵan kórme ashyldy. Kórme aıasynda Qazaqstan Respýblıkasynyń Tuńǵysh Prezıdenti - Elbasy Qorynyń «Belgisiz Qazaqstan» biregeı jobasy tanystyryldy. Onyń basty maqsaty Qazaqstan Respýblıkasynyń mádenıeti men tarıhyn nasıhattaý.
2016 jyly Búkilálemdik poshta odaǵynyń 26-Kongressinde daýys berý nátıjesi boıynsha Qazaqstan 4 jylǵa Ákimshilik keńes múshesi bolyp saılandy.
1811 jyly ónertapqysh Djon Stevenstiń «Djýlıana» paromy Nıý-Iork pen Nıý-Djersı arasynda júre bastady. Bul álemdegi alǵashqy bý paromy boldy.
1881 jyly amerıkandyq Devıd Hıýston fotoaparattyń fotoplenkasyna patent aldy.
