11 qarashadan bastap Qonaevtan Almatyǵa deıin poıyz qatynaıdy

QONAEV. QazAqparat – 11 qarashadan Qonaev qalasynan Almatyǵa poıyz qatynaı bastaıdy. Bul týraly Indýstrııa jáne ınfraqurylymdyq damý mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Poıyz táýligine bir ret júredi. Jyljymaly quram Almaty-1 stantsııasynan saǵat 06:44-te jóneltilip, Qapshaǵaı stantsııasyna saǵat 08:35-te keledi. Al Qapshaǵaı stantsııasynan saǵat 19:15-te jóneltilip, Almaty-1 stantsııasyna saǵat 20:50-de keledi.

Poıyz quramynda jalpy jolaýshylar syıymdylyǵy 175 oryndy quraıtyn 3 vagon bar», - dedi vedomstvonyń baspasóz qyzmetinen.

Buǵan deıin Qonaev qalasynyń ákimi Nurlan Qumataev poıyz toqtaıtyn platformany jóndeý, abattandyrý jumystary aıaqtalýǵa jaqyn ekenin aıtqan bolatyn.

Eske salaıyq, 19 qazanda Almaty oblysyna jumys saparymen barǵan Memleket basshysy Almaty men Qonaev qalalarynyń arasyndaǵy elektr poıyzyn qaıta iske qosýdy tapsyrǵan bolatyn.