11 qarashada Microsoft brendiniń alǵashqy smartfony tanystyrylady
ASTANA. QazAqparat - Microsoft Lumia smartfondarynyń resmı blogynda jańa jabdyq tanystyrylymynyń merzimi týraly aqparat paıda boldy.
Nokia brendiniń ornyna Microsoft brendi kórsetiletin apparatty 11 qarashada tanystyrady.
Osyǵan deıin jańa smartfonnyń beıresmı fotolary men sıpattamasy jarııalanǵan. Sol aqparatqa sensek, RM-1090 modeldi nómirli apparattyń ekrany 5 dıýım bolmaq.
Protsessor retinde tórt ıadroly, alaıda asa shapshań emes (1,2 GGts) - Qualcomm Snapdragon 200 paıdalanyldy. 1 GB jedel jad pen 8 GB qosymsha jad ornatyldy. Jabdyq Microsoft Lumia 535 atalady degen boljam bar. Smartfonnyń quny týraly aldyn ala boljamdar týraly ázirge habarlanbady.
