11 qarashada barlyq jan ózin jaısyz sezinedi
ASTANA. 10 qarasha. QazAqparat - Ótken demalys kúnderi ǵaryshtyq meteorologııa salasynyń mamandary Kún betindegi eń qýatty sáýle shashýdyń birin baıqady. Olardyń oıynsha, aldaǵy birneshe kún ishinde biz asa qýatty geomagnıtti daýyldyń áserlerin sezinetin bolamyz,
dep habarlaıdy Ýtro.rý.
Senbi, 6 qarashada Máskeý ýaqytymen, shamamen keshki saǵat alty jarym kezinde Kún betinde asa qýatty jarylys bolyp, onyń saldarynan úlken kólemde plazma men rentgendik dıapazondaǵy kúshti qarqyndy sáýle shyǵaryldy. Ortasha alǵanda mundaı daýyldardyń zardaptaryn Jer alǵashqy 1-2 kún ishinde sezine bastaıdy. Biraq osy joly jarylys Kúnniń alys bóliginde oryn alyp, Kún betindegi daýyl Jerge tek 11-12 qarashaǵa qaraı jete alady. Ol ǵalamshardyń magnıttik alańynda kúshti tolqýlar týyndatady. Bul - osy kúnderi adamdar densaýlyǵynyń kúrt nasharlaǵanyn sezinedi degen sóz.
Magnıtti daýyl kezinde aǵzanyń bıorıtmi buzylyp, qaıǵyly jaǵdaılar men jaraqattanýlar kóbeıýi múmkin.
