11 qarasha. Kazinform kúntizbesi. Tulǵalar týǵan kún
Búgin, 11 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Sálıma QUNANBAEVA, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń rektory
1943 jyly Almaty oblysynda dúnıege kelgen. Almaty shet tilderi pedagogıkalyq ınstıtýtyn bitirip, aspırantýrada bilim alǵan.
Eńbek joly: orta mektepte, Qazaq polıtehnıkalyq ınstıtýtynda (qazirgi Qanysh Sátbaev atyndaǵy Qazaq ulttyq tehnıkalyq zertteý ýnıversıteti) jáne Almaty memlekettik medıtsına ınstıtýtynda (qazirgi S. Asfendııarov atyndaǵy Qazaq ulttyq medıtsına ýnıversıteti) oqytýshy boldy. 1972-1992 jyldary Abylaı han atyndaǵy Qazaq halyqaralyq qatynastar jáne álem tilderi ýnıversıtetinde oqytýshy, aǵa oqytýshy, kafedra meńgerýshisi, dotsent, prorektor qyzmetterin atqardy. 1992-1998 jyldary Qazaq memlekettik álem tilderi ýnıversıtetiniń birinshi prorektory — oqý isi jónindegi prorektory, 1998-1999 jyldary rektory boldy. 1999 jyldan bastap birinshi prorektor — oqý isi jónindegi prorektor qyzmetin atqardy.
50-ge jýyq ǵylymı eńbektiń, sonyń ishinde úsh monografııanyń avtory.
Baqyt JAHANOV, Qyzylorda oblysy ákiminiń orynbasary
1974 jyly Qyzylorda qalasynda dúnıege kelgen. 1996 jyly Qyzylorda polıtehnıkalyq ınstıtýtyn ekonomıst-menedjer mamandyǵy boıynsha bitirgen.
Eńbek joly: 1996-2002 jyldary Qyzylorda oblysynyń aýyl sharýashylyǵy basqarmasynda jetekshi, bas maman, bólim basshysy, 2002 jyly oblystyq bilim basqarmasynyń bólim basshysy boldy. 2002-2004 jyldary oblystyq ekonomıka basqarmasynyń bólim basshysy, 2004-2005 jyldary Qyzylorda oblysy ákiminiń apparatynda bas ınspektor, 2005-2008 jyldary oblystyq tabıǵat paıdalaný jáne tabıǵı resýrstar departamenti dırektorynyń orynbasary qyzmetin atqardy. 2008-2011 jyldary Qyzylorda oblysynyń aýyl sharýashylyǵy basqarmasyn, 2011 jyly Qyzylorda oblysynyń tabıǵat paıdalaný jáne tabıǵı resýrstar basqarmasyn basqardy. 2011-2013 jyldary oblys ákiminiń orynbasary, 2013-2015 jyldary Qazaly aýdanynyń ákimi, 2015-2019 jyldary oblystyq aýyl sharýashylyǵy basqarmasynyń basshysy qyzmetterin atqardy. 2019-2022 jyldary qaıtadan oblys ákiminiń orynbasary boldy. 2022-2024 jyldary QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminde memlekettik ınspektor qyzmetin atqardy.
Qazirgi qyzmetin 2024 jylǵy qańtardan beri atqaryp keledi.
«Qazaqstan Respýblıkasynyń táýelsizdigine 20 jyl» jáne «Qazaqstan Respýblıkasynyń táýelsizdigine 25 jyl» mereıtoılyq medaldarymen marapattalǵan.
Azamat TAIJANOV, Qaraǵandy oblysy ákiminiń birinshi orynbasary
1985 jyly Astana qalasynda dúnıege kelgen. 2007 jyly Qazaq gýmanıtarlyq-zań ýnıversıtetinde halyqaralyq quqyq bakalavry, 2009 jyly magıstr dárejesin alǵan. 2010 jyly «Bolashaq» baǵdarlamasy boıynsha Japonııanyń Tokaı ýnıversıtetinde ekonomıka magıstri dárejesin ıelengen. 2015 jyly L. N. Gýmılev atyndaǵy Eýrazııa ulttyq ýnıversıtetinde ekonomıka mamandyǵy boıynsha PhD doktory dárejesin qorǵaǵan.
Eńbek joly: 2005 jylǵy qazan — 2006 jylǵy jeltoqsan aralyǵynda «Yqylas K» JShS menedjeri, 2007-2008 jyldary QR Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń arnaıy tekserý nátıjeleri shyqqanǵa deıin jetekshi maman mindetin ýaqytsha atqarýshy, 2008 jyly osy departamenttiń sarapshysy boldy. 2008-2010 jyldary QR Qorshaǵan ortany qorǵaý mınıstrligi Quqyqtyq qamtamasyz etý jáne halyqaralyq yntymaqtastyq departamentiniń sarapshysy qyzmetterin atqardy. 2010 jylǵy maýsymnan 2011 jylǵy aqpanǵa deıin QR Indýstrııa jáne jańa tehnologııalar mınıstrligi Halyqaralyq yntymaqtastyq departamentiniń Kópjaqty yntymaqtastyq jáne ınvestıtsııalyq saıasat basqarmasyn basqardy. 2011 jylǵy aqpan — 2013 jylǵy sáýir aralyǵynda QR Prezıdenti Keńsesiniń konsýltanty boldy. 2013 jyly Stepnogorsk qalasy ákiminiń orynbasary, 2013 jylǵy shilde men 2016 jylǵy sáýir aralyǵynda Egindikól aýdanynyń ákimi, 2016 jylǵy sáýir — 2018 jylǵy qarasha aralyǵynda Aqmola oblysy Arshaly aýdanynyń ákimi qyzmetterin atqardy. 2019-2021 jyldary «Qazaqstandyq turǵyn úı-kommýnaldyq sharýashylyqty jańǵyrtý jáne damytý ortalyǵy» AQ basqarýshy dırektory, basqarma tóraǵasynyń orynbasary — basqarma múshesi, 2021-2023 jyldary QR Premer-mınıstriniń orynbasary — Qarjy mınıstriniń keńesshisi, 2023 jylǵy mamyr — 2024 jylǵy aqpan aralyǵynda Aqmola oblysy ákiminiń orynbasary boldy.
Qazirgi qyzmetin 2024 jylǵy aqpannan beri atqaryp keledi.
Jarqynbek AMANTAI, «Ádilet» partııasynan Qazaqstan Respýblıkasy Quryltaıynyń I shaqyrylym depýtaty
1988 jyly Mońǵolııanyń Baıan-Ólgeı aımaǵynda dúnıege kelgen. 2010 jyly Pavlodar memlekettik pedagogıkalyq ınstıtýtyn fılolog mamandyǵy boıynsha bitirgen.
Eńbek joly: 2010-2011 jyldary Pavlodar qalasyndaǵy Abaı atyndaǵy orta mektepte muǵalim, 2011-2013 jyldary «Saryarqa samaly» oblystyq gazetiniń tilshisi, 2013-2015 jyldary «Qazaqstan Zaman» gazetiniń Pavlodar oblysyndaǵy menshikti tilshisi, 2015-2019 jyldary «Regıon Kz» oblystyq gazetiniń jaýapty hatshysy qyzmetterin atqardy. 2019-2020 jyldary J. Aımaýytov atyndaǵy Pavlodar oblystyq qazaq mýzyka-drama teatry basshysynyń orynbasary, 2020-2021 jyldary Qazaqstan Jazýshylar odaǵy Pavlodar oblystyq fılıalynyń dırektory, 2021-2022 jyldary «ShAŃYRAQ» oblystyq halyq shyǵarmashylyǵy jáne mádenı-saýyq qyzmeti ortalyǵynyń basshysy mindetin ýaqytsha atqarýshy bolyp eńbek etti. 2022-2023 jyldary Pavlodar qalasyndaǵy «Máshhúrtaný» ǵylymı-praktıkalyq ortalyǵynyń basshysy mindetin ýaqytsha atqarýshy, 2022-2026 jyldary QR Parlamenti Májilisiniń VIII shaqyrylym depýtaty, Zańnama jáne sot-quqyqtyq reforma komıtetiniń múshesi boldy.
Qazirgi qyzmetin 2026 jylǵy tamyzdan bastap atqaryp keledi.
2022 jyly «Qurmet» ordenimen marapattalǵan.
