11 qaraǵandylyq halyqaralyq kompanııalardan iri kólemde munaı tonaǵan
QARAǴANDY. QazAqparat - «Qazaqstan-Qytaı qubyr jelisi» JShS halyqaralyq kompanııasy men qazaqstandyq «QazTransOıl» AQ kásipornyna tıesili urlanǵan munaıdyń shyǵyn kólemi anyqtaldy.
Bul iske 11 qaraǵandylyq azamat kináli dep tanylyp otyr, dep habarlaıdy «QazAqparat» HAA tilshisi.
Kompanııa ókilderi sotqa materıaldyq shyǵyn kólemi shamamen 10 mıllıon teńgeni quraıtyndyǵyn aıtqan. Munaı kompanııasynyń zańgerleri qubyr jelileriniń ruqsatsyz kesilgen jerlerin qalpyna keltirý jáne jóndeý jumystarynyń shyǵyndary áldeqaıda joǵary ekendigin málimdedi.
Tekserý nátıjeleri boıynsha, 11 kúdikti kompanııanyń birneshe magıstraldy qubyr jelilerin kesken. Olar munaı quıylatyn ventılder (shura) ornatyp, ónimdi qara bazarǵa ótkizgen. Munaıdyń urlanýyn kompanııa ınspektorlary qubyr jelilerin baqylaý barysynda anyqtaǵan. Olar munaı qubyrlarynyń ruqsatsyz kesilgendigin anyqtap, quqyq qorǵaý organdaryna habarlady.
Qaraǵandy oblysy ishki ister departamentiniń qyzmetkerleri 11 adamdy ustady. Olardyń altaýy Qaraǵandy AK 159/1 tergeý oqshaýlaǵynda, ekeýi - múliktik kepildikke alyndy, qalǵan úsheýi - qaladan shyqpaýǵa kepilhat jazdy.
