11 qańtardan bastap júrgizýshiler kólikterindegi medıtsınalyq kómek qobdıshasynyń quramyn ózgertýi tıis - QR DSÁDM
ASTANA. QazAqparat - 2015 jylǵy 11 qańtarǵa deıin qazaqstandyqtar avtokólikteriniń alǵashqy medıtsınalyq kómek qobdıshasynyń jańa quramyn Qazaqstan Respýblıkasy Densaýlyq saqtaý jáne áleýmettik damý mınıstriniń buıryǵyna sáıkes jańartýy qajet, dep habarlady QR DSÁDM.
Avtomobıldegi alǵashqy medıtsınalyq kómek qobdıshasynyń jańa quramyna kirgender: sýtegi totyǵynyń 3% eritindisi (1 flakon), zararsyzdandyrylǵan dáke bınti 5m *10 sm (1 dana), zararsyzdandyrylmaǵan dáke bınti 5m *10 sm (1 dana), zararsyzdandyrylmaǵan dáke bınti 7m *14 sm (1 dana), zararsyzdandyrylǵan medıtsınalyq dáke salfetkalar (1 dana), zararsyzdandyrylǵan tańý paketi (1 dana), zararsyzdandyrylǵan medıtsınalyq gıgroskopııalyq maqta 50 g. (1 dana), qan toqtatqysh jgýt (1 dana), bakterıtsıdti leıkoplastyr (5 dana), medıtsınalyq leıkoplastyr (1 dana), elastıkalyq tútiksheli bınt № 1, 3, 6 (bir birden), zararsyzdandyrylmaǵan medıtsınalyq qolǵaptar (1 jup), doǵal ushty qaıshylar (1 dana).
Esterińizge sala keteıik, 2014 jylǵy 18 qarashada «Avtomobıldegi alǵashqy medıtsınalyq kómek qobdıshasynyń dárilik zattary men medıtsınalyq maqsattaǵy buıymdarynyń tizbesin bekitý týraly» Qazaqstan Respýblıkasy Densaýlyq saqtaý mınıstriniń 2014 jylǵy 2 shildedegi № 368 buıryǵyna ózgerister engizilgen, dep habarlaıdy strategy2050.kz.
