11 qańtarda eldegi qaı joldar jabyq tur

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, 2025 jylǵy 11 qańtarda saǵat 08:00-degi jaǵdaı boıynsha respýblıkalyq mańyzy bar kelesi avtojoldarda kóliktiń barlyq túri úshin qozǵalys ashyldy.

Jetisý oblysy

• respýblıkalyq mańyzy bar «Úsharal – Dostyq» avtojolynyń 84-164- shaqyrymy (Kóktuma aýyly – Dostyq stantsııasy).

Aqtóbe oblysy

• RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 965-1240-shaqyrymy (Qarabutaq kenti – Qyzylorda oblysynyń shekarasy).

Qyzylorda oblysy

• osy avtojoldyń 1240-1362-shaqyrymy (Aqtóbe oblysynyń shekarasy – Aral qalasy).

Jabyq joldar

Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avto jolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Sonymen birge «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.

Eske salaıyq, buǵan deıin sınoptıkter 11 qańtar kúni Qazaqstannyń 15 oblysynda jáne Astanada aýa raıynyń qolaısyzdyǵyna baılanysty eskertý jasaǵan edi..