11 qańtarda el aýmaǵynda turaqsyz kún raıy kútiledi
ASTANA. QazAqparat - 11 qańtar kúni Qazaqstannyń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady, jaýyn-shashyn bolady, jaýyn-shashynsyz kún raıy tek eldiń batysy men shyǵysynda kútiledi.
Keı jerlerde tuman, kóktaıǵaq, burqasyn bolyp, jel kúsheıedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Qostanaı oblystarynyń keı jerlerinde burqasyn, tuman kútiledi, kúndiz jekelegen aýmaqtarda jel 15-20 m/s-qa kúsheıedi.
Ońtústik Qazaqstan, Shyǵys Qazaqstan oblystarynyń keı jerlerinde tuman boljanady, 15-20 m/s-pen soqqan jeldiń ekpini 25 m/s-qa artýy yqtımal. Shyǵys Qazaqstan oblysynda burqasyndy jel soǵady.
Qyzylorda oblysynda, túnde Mańǵystaý oblysynyń keı jerlerinde tuman, kóktaıǵaq bolady.
Atyraý oblysynda, túnde Aqtóbe oblysynyń keı jerlerinde tuman kútiledi.
Pavlodar oblysynyń jekelegen jerlerinde kúndiz jaıaý burqasyn soǵyp, 15-20 m/s jyldamdyqta jel bolady.
Qaraǵandy oblysynyń keı jerlerinde túnde tuman bolyp, kúndiz burqasyn, kóktaıǵaq, 15-20 m/s ekpindegi jel boljanady.
Almaty oblysynyń Jalańashkól aýdanynda jeldiń ekpini 18-28 m/s-qa kúsheıip, túnde keı jerlerdi tuman basady.
Jambyl oblysynyń jekelegen aýmaqtarynda sondaı-aq tuman kútiledi, tańerteń jáne kúndiz jel 15-20 m/s-qa kúsheıedi.
Manǵystaý oblysynyń keı jerlerinde tuman, kúndiz kóktaıǵaq bolyp, 15-20 m/s ekpindegi jeldiń kúshi 25 m/s-qa jetedi. Ońtústik-batys bóliginde 30 m/s-qa jetýi múmkin.
