11 qańtar. Týǵan kún ıeleri
ESІMDER
72 jyl buryn (1947-2014) Qazaqstannyń eńbek sińirgen óner qaıratkeri, QR Memlekettik syılyǵynyń laýreaty, qazaq teatrtanýshysy Áshirbek SYǴAI dúnıege keldi.
Ońtústik Qazaqstandaǵy Kentaý qalasynda týǵan. Qazaq óner ınstıtýtyn aıaqtaǵan (1969). Bozbala kezinde «Achpolımetall» kombınaty janyndaǵy Kentaý mehanıkalyq jóndeý tsehynda eki jyl slesar bolyp jumys istegen. 1965 jyly Qurmanǵazy atyndaǵy konservatorııaǵa túsip, ony 1969 jyly támamdaǵan soń ol ustazdyq qyzmetke qaldyrylǵan. Onyń teatr synshysy retinde qalyptasýy 1970 jyldardan bastaldy. Ol 1974 - 1994 jyldary Mádenıet mınıstrligi teatr bóliminiń, óner basqarmasynyń bastyǵy, mınıstrdiń orynbasary, T.Júrgenov atyndaǵy teatr jáne kıno ınstıtýtynyń rektory, mınıstrdiń birinshi orynbasary bolyp qyzmet atqardy. Onyń qalamynan «Іńkár shaq», «Syr sandyq», «Sahnaǵa sapar», «Jarnama aldyndaǵy oı», «Sahna sańlaqtary» degen kitaptar jaryq kórdi. Jan Molerdiń «Eriksiz úılený», K.Goldonıdiń «Kúlkili oqıǵa», O.Ioselıanıdiń «Arbanyń izimen», Sh.Rokvıdiń «Mazasyz ájeı», V.Ejovtyń «Bulbuldar túni», A.Shaıkevıchtiń «Álem alaqanymyzda» jáne taǵy basqa tanymal dramatýrgterdiń pesalaryn aýdardy. Olar respýblıka teatrlarynda qoıyldy.
1992 - 1994 jyldary memlekettik nagradalar jáne syılyqtar jónindegi komıtetterdiń múshesi boldy. 1993 jyly Memleketimizdiń ult saıasaty jónindegi keńesiniń múshesi bolyp bekitildi. 1989 jyly Qazaqstan Respýblıkasynyń eńbek sińirgen kaıratkeri ataǵy berildi. 2001 jyly QR Memlekettik syılyǵynyń laýreaty atandy. Ol Qazaqstan Jazýshylar odaǵynyń múshesi. Qazaqstan Jazýshylar odaǵy basqarmasynyń hatshysy.
57 jyl buryn (1962)Pavlodar oblysy ishki saıasat basqarmasynyń bastyǵy Aıgúl Qamzaqyzy MARDANOVA dúnıege keldi.
Pavlodar oblysy Jelezın aýdany Mıhaılov aýylynda dúnıege kelgen. 1984 jyly orys tili men ádebıeti pániniń muǵalimi mamandyǵy boıynsha Vınnıtsk memlekettik pedagogıkalyq ınstıtýtyn támamdady.
Eńbek jolyn 1984 jyly Prıırtyshsk orta mektebinde orys tili men ádebıeti pániniń muǵalimi bolyp bastady. Memlekettik qyzmettegi jumys ótili - 26 jyl, onyń 19 jylynda Pavlodar oblystyq komsomol komıtetinde, Jelezın aýdandyq komsomol komıtetinde, Indýstrııalyq aýdandyq ákimshiliginde, ónerkásip jáne saýda, týrızm jáne sport, Pavlodar oblysy boıynsha bilim berý departamentterinde basshylyq laýazymdarynda qyzmet etti. 2009 jylǵy 20 sáýirden bastap Qashyr aýdany ákiminiń áleýmettik máseleleri jónindegi orynbasary boldy. 2011 jylǵy 23 qyrkúıekten beri Ekibastuz qalasy ákiminiń orynbasary.
Qazirgi qyzmetinde - 2015 jyldyń qazan aıynan bastap.
56 jyl buryn (1963) ánshi, Qazaqstannyń halyq ártisi, Qazaqstan Memlekettik syılyǵynyń laýreaty, «Jiger» festıvaliniń, Halyqaralyq «Azııa daýysy» baıqaýynyń laýreaty, «Tarlan» syılyǵynyń ıegeri Maqpal Muhamedııarqyzy JÚNІSOVA dúnıege keldi.
Qaraǵandy oblysynyń Egindibulaq aýdanynda týǵan. Shymkent mádenıet ınstıtýtyn bitirgen. Óner jolyn «Gúlder» ansambliniń quramynda halyq ánderin oryndaýshy retinde bastap, odan keıin «Qazaqkontsert» birlestiginiń janynan «Nazerke» ansamblin uıymdastyrǵan. Repertýarynda qazaq halyq ánderimen qatar, qazirgi qazaq kompozıtorlarynyń mýzykalyq shyǵarmalary bar. Ánshi lırıkalyq ánderdi naqyshyna keltire oryndaýymen erekshelenedi.
53 jyl buryn (1965) «Nur Otan» partııasynyń hatshysy Tamara Bosymbekqyzy DÚISENOVA dúnıege keldi.
Ońtústik Qazaqstan oblysynda týǵan. 1987 jyly Tashkent halyq sharýashylyǵy ınstıtýtyn bitirdi, mamandyǵy - ınjener - ekonomıst, ekonomıka ǵylymdarynyń kandıdaty. Eńbek jolyn 1988 jyly ınstıtýtty aıaqtaǵannan keıin Ońtústik Qazaqstan oblysy Saryaǵash aýdanyndaǵy orta mekteptiń ınformatıka pániniń muǵalimi qyzmetinen bastady. 1988 - 1992 jyldary Ózbek SSR-niń Memlekettik josparlaý komıtetiniń Ekonomıka ǵylymı zertteý ınstıtýtynyń ekonomısi bolyp jumys istedi; 1992-1993 jyldary - Ońtústik Qazaqstan oblysy Saryaǵash aýdandyq ákimshiliginiń aǵa ekonomısi; 1993-1994 jyldary - «Perızat-holdıng» kompanııasynyń bólim basshysy; 1994-1997 jyldary - Saryaǵash aýdany ákiminiń keńesshisi, orynbasary, birinshi orynbasary; 1997-1999 jyldary - Shymkent qalasy ákiminiń birinshi orynbasary; 1999- 2002 jyldary - Ońtústik Qazaqstan oblysy ákiminiń orynbasary; 2002-2006 jyldary - Qazaqstan Respýblıkasy Eńbek jáne halyqty áleýmettik qorǵaý mınıstrliginiń vıtse - mınıstri; 2006 - 2008 jyldary - Ońtústik Qazaqstan oblysy ákiminiń orynbasary; 2008 - 2013 jyldary Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy; Eńbek jáne halyqty áleýmettik qorǵaý vıtse-mınıstri (02.2013-06.2013); Eńbek jáne halyqty áleýmettik qorǵaý mınıstri (2013-2014); QR Densaýlyq saqtaý jáne áleýmettik damý mınıstri (2014-2017); Eńbek jáne halyqty áleýmettik qorǵaý mınıstri (2017-2018).
Qazirgi laýazymyna 2018 jyldyń aqpanynda taǵaıyndaldy.
«Qurmet» ordenimen, «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.
47 jyl buryn (1972) Almaty qalasy ákiminiń orynbasary Almas Óskenbaıuly MÁDIEV dúnıege keldi.
1994 jyly Jambyl tamaq jáne jeńil ónerkásibi tehnologııalyq ınstıtýtyn «Injener-ekonomıst» mamandyǵy boıynsha bitirgen. 2000 jyly ıAssaýı atyndaǵy qazaq-túrik ýnıversıtetin «Zańger» mamandyǵy boıynsha támamdaǵan.
Eńbek jolyn 1994 jyly Jambyl tehnologııalyq ınstıtýtynda oqytýshy bolyp bastaǵan. 1997 - 2003 jyldary - Jambyl oblystyq ákimdigi Ekonomıka jáne bıýdjettik josparlaý basqarmasynda aǵa maman, Jambyl oblystyq ákimi apparatynyń qarjy jáne áleýmettik qorǵaý bóliminiń meńgerýshisi, Jambyl oblysy ákiminiń kómekshisi. 2003 - 2009 jyldary - Jambyl oblystyq ákimdigi Ekonomıka jáne bıýdjettik josparlaý, kásipkerlik jáne óndiris basqarmasynyń basshysy 2009 - 2014jyldary - «Ońtústik ÁÓK UK» AQ qarjy dırektory, basqarýshy dırektory, basqarma tóraǵasynyń orynbasary, «Qazaqstan Investıtsııalyq qory» AQ basqarýshy dırektory, «Pavlodar ÁÓK UK» AQ basqarma tóraǵasy. 2014-2016 jyldary - Jambyl oblysy ákimdiginiń kásipkerlik jáne ındýstrııalyq-ınnovatsııalyq damý basqarmasynyń bastyǵy. 2016-2017 jyldary - Almaty qalasy kásipkerlik jáne ındýstrııalyq-ınnovatsııalyq damý basqarmasynyń bastyǵy. Qazirgi qyzmetinde - 2017 jyldyń tamyz aıynan bastap.
46 jyl buryn (1973) «Qazaqstan qor bırjasy» (KASE) AQ basqarma tóraıymy Alına Ótemisqyzy ALDAMBERGEN dúnıege keldi.
Qaraǵandy qalasynda dúnıege kelgen. Qazaq memlekettik basqarý akademııasyn (1995) «Qarjy jáne nesıe» mamandyǵy boıynsha; Vashıngton ýnıversıtetiniń Іskerlik ákimshiliktik basqarý mektebin (1995); Rochester ýnıversıtetiniń Ýılıam E. Saımon atyndaǵy Іskerlik ákimshiliktik basqarý mektebin (2007) ekonomıst, iskerlik ákimshiliktik magıstri mamandyǵy boıynsha bitirgen.
1997 jyldan - «ABN AMRO Qazaqstan banki» EAB» JAQ qurylymdyq qarjylandyrý basqarmasynyń qarjylyq taldaýshysy, menedjeri, bas mamany, bastyǵynyń orynbasary, nesıelik taldaý jáne qurylymdaý basqarmasy bastyǵynyń orynbasary. 2001 jyldan - London qalasyndaǵy «ABN AMRO Bank N.V.» reıtıngtik keńester berý departamentiniń reıtıngtik keńes berýshisi, jetekshi reıtıngtik keńes berýshisi. 2003 jyldan - «OOIÝPA» ABN AMRO Asset Management» AQ basqarmasynyń tóraǵasy 2005 jyldan - «ABN AMRO Qazaqstan banki» EAB» AQ basqarmasynyń qazynashysy, tóraǵasynyń orynbasary. 2006-2007 jyldary - Almaty qalasyndaǵy QR Aımaqtyq qarjy ortalyǵy qyzmetin retteý agenttigi tóraǵasynyń orynbasary. 2008 jyldyń qańtarynan - «Astana-Fınans AQ basqarmasy tóraǵasynyń orynbasary. 2008 jyldyń naýryzynan - QR Qarjy naryǵyn jáne qarjylyq uıymdardy retteý men baqylaý agenttigi tóraǵasynyń orynbasary. 2011 jyldan - «Samuryq-Qazyna Fınans» JShS Bas dırektorynyń orynbasary, 2012 jyldan Bas dırektory. Ár jyldary «Qazaqstan qor bırjasy» AQ, «BTA Bank» AQ, «Temirbank» AQ, «Alıans Bank» AQ Dırektorlar keńesterinde mindettirin atqardy. 2013 jyldyń shilde aıynda «Báıterek UBH» Basqarma tóraǵasynyń orynbasary jáne basqarma múshesi bolyp taǵaıyndaldy. Qazirgi qyzmetinde - 2016 jyldyń aqpan aıynan bastap.