11 qańtar kúni Qazaqstanda bolatyn mańyzdy sharalarǵa sholý
NUR-SULTAN
11:00-de Nur-Sultan qalasy Tótenshe jaǵdaılar departamenti órt qaýipsizdigi boıynsha profılaktıkalyq is-shara ótkizedi. Іs-shara elordanyń birneshe aýdandarynda ótedi.
«Almaty» aýdany aýmaǵynda avtokólikterdiń janýy boıynsha órtterdiń kóbeıýine baılanysty iri turaqtardy aralaý júrgiziletin bolady.
«Saryarqa» aýdany aýmaǵynda jeke turǵyn úı sektorynda «Jas Otan» Jastar qanatynyń volonterlerimen, Jergilikti polıtsııa qyzmetimen birlesip ýly gazdy anyqtaý qondyrǵysyn ornatý boıynsha reıd ótkiziledi.
ALMATY
12.00-de Á. Qasteev atyndaǵy óner murajaıynda Reseıdiń Almatydaǵy bas konsýldyǵymen birlesip, Reseıdiń Qazaqstan Respýblıkasyndaǵy ókildigi men Qazaqstandaǵy «Tsentr Vselennoı Kýkol» qýyrshaq qaýymdastyǵynyń usynýymen jyl saıyn ótetin «Vremıa angelov» avtorlyq kórmesi bolady. Úshinshi ret ótetin qaıyrymdylyq aýktsıonynda jınalatyn qarajat mýkovıstsıdoz dertine shaldyqqan balalarǵa kómekke jumsalady.