11 qańtar kúni aýa raıy qandaı bolady
NUR-SULTAN. QazAqparat - Sınoptıkter 11 qańtar kúni Qazaqstanda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstanda aldaǵy kúnderi aýa raıy aıtarlyqtaı ózgermeıdi. Atmosferalyq fronttardyń respýblıkanyń basym bóligine áseri áli de bar. Onyń yqpalymen keı jerlerde jaýyn-shashyn (kóbinese qar) jaýady.
Respýblıkanyń keı jerlerinde tuman saqtalady, ońtústik jáne ońtústik-batysta – kóktaıǵaq.
Almaty oblysynyń Alakól aýdanynda jel 15-20 m/s kúsheıedi, túnde jáne tańerteń keı jerlerde tuman túsedi.
Jambyl oblysynyń keı jerlerinde tuman, kóktaıǵaq, jaıaý burqasyn saqtalady.
Túrkistan oblysynyń keı jerlerinde tuman, kóktaıǵaq, jel ekpini 15-20 m/s deıin kúsheıedi.
Mańǵystaý, Atyraý oblystarynyń keı jerlerinde tuman túsip, kóktaıǵaq bolady.
Soltústik Qazaqstan, Aqmola, Batys Qazaqstan, Qyzylorda, Qostanaı, Pavlodar, Qaraǵandy, Shyǵys Qazaqstan oblystarynynń keı jerlerinde tuman túsedi.
