11 qańtar. QazAqparat kúntizbesi
ATAÝLY KÚNDER
Búkilálemdik «Rahmet» kúni
Qańtardyń 11-i jyldyń eń «ádepti» kúni – bul kún Búkilálemdik «rahmet» kúni retinde atap ótiledi. BUU men ıÝNESKO-nyń bastamasymen paıda bolǵan bul merekeniń ózindik maǵynasy mol, óıtkeni bul ataýly kúndi azamattyǵyna, ultyna, dinı senimderine qaramastan búkil álem bolyp toılaı alady.
ESTE QALAR OQIǴALAR
2006 jyly 2005 jyldyń 4 jeltoqsanynda qótken saılaýda Qazaqstan Respýblıkasynyń Prezıdenti bolyp qaıta saılanǵan Nursultan Nazarbaevty ulyqtaý rásimi ótti. Saltanatty rásimge 7 memleket prezıdenti, álemniń 20-dan astam memleketiniń úkimet jáne parlament basshylary, Birikken Ulttar Uıymy, Shanhaı yntymaqtastyq uıymy, Eýropa odaǵy halyqaralyq uıymdardyń ókilderi qatysty.
2006 jyly «Aqorda» rezıdentsııasynda Qazaqstan Prezıdenti laýazymyna qaıta saılanǵan Nursultan Nazarbaevty ulyqtaý rásiminde «Meniń Qazaqstanym» áni Qazaqstan Respýblıkasynyń Memlekettik Gımni retinde alǵash ret oryndaldy. Nursultan Nazarbaev – QR Memlekettik ánurany mátini avtorlarynyń biri.
2011 jyly rejısser Bolat Sháripovtiń qazaqtyń tuńǵysh kásibı dıplomaty Názir Tórequlovqa arnalǵan «Ókiletti elshi» derekti fılmi túsirildi. Názir Tórequlov KSRO-nyń musylman álemi elderindegi alǵashqy elshisi boldy.
2013 jyly Astana tsırkiniń gımnasshylary Darııa Ábdihasova men Dana Ryspekova halyq arasynda «Tsırktegi Oskar» dep atalatyn syılyqty – «Altyn kloýn» festıvaliniń gran-prıin jeńip aldy. Gollandııanyń Enhed qalasynda ótken festıvalda qyzdar álemniń úzdik tsırk ártisteriniń arasynan top jardy.
2013 jyly Qazaqstannyń jas kınematografısteriniń qatysýymen «ABAI 45» aýdıokitaby shyǵaryldy. Bul Abaıdyń «Qara sózderiniń» orys tilindegi aýdıonusqasy.
2016 jyly Qazaqstan Respýblıkasy Qarýly Kúshterinde jańa qyzmet – gıdrometeorologııalyq qyzmet paıda boldy. Gıdrometeorolog áskerı qyzmetshiler Qarýly kúshterdiń gıdrometeorologııalyq bólimsheleriniń jasaqtalýyn baqylaıdy, meteorologııalyq málimetti jınaıdy, taldaıdy jáne áskerlerge taratady. Avıatsııalyq oqıǵalardy, teńizde júzý jáne keme qatynasynyń qaqtyǵystary men qaýipsizdigin tergep-tekserýge qatysady, sondaı-aq QR QK-niń gıdrometeorologııalyq bólimshelerinde ǵylymı-ádistemelik jáne ónertapqysh jumysty júrgizedi.
2017 jyly memlekettik bılik tarmaqtarynyń arasyndaǵy ókiletterdi qaıta bólý máseleleri boıynsha jumys toby quryldy. Oǵan Qazaqstan Respýblıkasy Prezıdenti Ákimshiliginiń basshysy tóraǵalyq etti. Onyń quramyna Parlament, Úkimet, Joǵarǵy sot jáne basqa da memlekettik organdardyń ókilderi, sondaı-aq ǵylymı sarapshylar, zańgerler kirdi.
2017 jyly Qazaqstanda maýsymdyq tumaýǵa qarsy ekpe jasap shyǵaryldy.
2017 jyly Shyǵys Qazaqstan oblysynan shyqqan shahmatshy Aleksandr Kochergın júz torkózdi shahmatty oılap tapty. Ol oıynǵa jańa fıgýralardy: hanzada men hanshany engizip, oıyn erejesin kúrdeli ete tústi.
2019 jyly Jansaıa Ábdimálik shahmattyń barlyq túrinen 20 jasqa deıingiler arasynda álem reıtınginde kósh bastady.Qazaqstandyq shahmatshy klassıkadaǵy ELO, rapıd jáne blıts boıynsha aldyńǵy orynda. Buǵan deıin birde-bir qazaqstandyq shahmatshy bir ýaqytta oıynnyń úsh túrinen álemdik reıtıngti baǵyndyra almaǵan.