11 qalada aýa sapasy nasharlaıdy

ASTANA. QazAqparat – 10 jeltoqsanda Qazaqstan qalalarynyń basym bóliginde qolaısyz meteorologııalyq jaǵdaı saqtalady, dep habarlaıdy QazAqparat.

Senbi kúni Astana, Aqtóbe, Temirtaý, Balqash, Jezqazǵan, Qostanaı jáne Qaraǵandy (1 dárejeli), Rıdder (2 dárejeli), Semeı (2 dárejeli), Óskemen (2 dárejeli), Shymkent qalalarynda qolaısyz meteorologııalyq jaǵdaılar kútiledi.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.