11 qabattan sekirip ketken máskeýlik qyz ajaldan aman qaldy
ASTANA. QazAqparat - Máskeýde turǵyn úıdiń 11-qabatynan sekirip ketken 19 jastaǵy boıjetken aman qaldy. "360" telearnasy beınebaqylaý kamerasynyń jazbalarymen bólisti, dep habarlaıdy QazAqparat 360tv.ru-ǵa siltememen.
Oqıǵa dúısenbi kúni, 24 qazanda, tańǵy 6:30-da bolǵan. Podezd mańyna turaqqa qoıylǵan Volkswagen avtokóligi qyzdy ajaldan aman alyp qaldy - zardap shegýshi jeńil kóliktiń artqy bóligine qulap, asfaltqa syrǵanap túsken. Іske qosylǵan sıgnal qyzmeti esinen tanǵan qyzdy baıqap, tezirek jedel járdem shaqyrýǵa kómektesti.
Kórshilerdiń aıtýynsha, 23 qazan kúni qyz óz súıiktisimen arazdasyp qalǵan. Qazirgi ýaqytta ol jan saqtaý bóliminde jatyr, dárigerler onyń aýyr halde jatqanyn habarlady.
