11 halyq aǵartý komıssary repressııaǵa ushyrady – Ǵarıfolla Ánes
«1920 jyly Orynborda Qazaq avtonomııasynyń birinshi sezi ótti. Sol quryltaıda basshylar taǵaıyndaldy. Sol kezde ulttyq komıssarıattar, qazirgi tilmen aıtqanda mınıstrlikter quryldy. Ádilet mınıstrligi, Іshki ister mınıstrligi, Densaýlyq mınıstrligi, Jer mınıstrligi quryldy. Osynyń ishinde qazaq halqynyń rýhanııatyna jumys istegen mınıstrlik – Halyq aǵartý komıssarıaty boldy. Ol bilim jáne ǵylym, mádenıet, sport, týrızm, baspasóz sııaqty birneshe mınıstrliktiń qyzmetin atqardy. Alǵashqy Halyq aǵartý komıssary – Ahmet Baıtursynov edi. Ol 1920 jyldyń qazanynan 1921 jyldyń qazan aıyna deıin bir jyl qyzmet atqardy. Ahmet Baıtursynovty qosqanda 12 halyq aǵartý komıssary boldy. Olardyń bári 1-2 jyldan qyzmet atqardy. Sonyń ishinde bireýiniń ǵana taǵdyry belgisiz, qalǵan 11-i Sovet Úkimetiniń qolynan qaza tapqan», - deıdi fılologııa ǵylymdarynyń doktory, professor Ǵarıfolla Ánes.
Onyń aıtýynsha, ár halyq aǵartý komıssarynyń sol salady etken eńbegi zor.
«Qazaq halqynyń rýhanııaty úshin ter tókken komıssarlardyń bári repressııaǵa ushyrady. Jas urpaqqa barlyq shyndyqty aıtý kerek. «Aq jol» demokratııalyq partııasy Á.Bókeıhanovtyń 30 tomdyǵyn, entsıklopedııasyn, Alash qaıratkerleriniń kitabyn shyǵardy. Sol úshin alǵys aıtamyz», - deıdi ol.
Eske sala keteıik, atalǵan sharany «Aq jol» demokratııalyq partııasy «Alash» ınstıtýtymen birge uıymdastyrǵan bolatyn.
