11 aıdyń qorytyndysy boıynsha bólshek saýda kólemi 12,4 paıyzǵa joǵarylap, 2665,7 mlrd. teńgege jetti - statıstıka
ASTANA. 14 jeltoqsan. QazAqparat - 2010 jylǵy qańtar-qarashada ótken jylǵy tıisti kezeńmen salystyrǵanda bólshek saýda kólemi 12,4 paıyzǵa joǵarylap, 2665,7 mlrd. teńgege jetti. Bul aqparatty QR Statıstıka agenttiginiń baspasóz qyzmeti taratyp otyr.
Sonymen qatar aǵymdaǵy jylǵy qarashada 2009 jyldyń sáıkes kezeńimen salystyrǵanda taýarlardy bólshek saýdada ótkizý kólemi 10,7 paıyzǵa jáne 2010 jylǵy ótken aımen salystyrǵanda 10,9 paıyzǵa joǵarylaǵan.
«2010 jyly bólshek saýdany turaqty jelilerde júzege asyratyn saýda kásiporyndarynyń qyzmeti birtindep turaqtanyp keledi. Sonymen, 2010 jyly qańtar-qarashada saýda kásiporyndary arqyly taýarlardy ótkizý kólemi 2009 jylǵy qańtar-qarashaǵa qaraǵanda 1444,4 mlrd. teńgege nemese 13,3 paıyzǵa artyq. 2010 jylǵy qańtar-qarashada osy arnada ótkizý kólemi ótken jylǵy tıisti kezeńmen salystyrǵanda 11,3 paıyzǵaǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 45,8 paıyzdy quraıdy», delingen baspasóz habarlamasynda.
Vedomstvonyń atap ótýinshe, halyqtyń muqtajdyǵyn ár túrli taýarlarmen qamtamasyz etý otandyq óndiris esebinen, sonymen qatar ózge elderdiń ımporty esebinen Máselen, un (99,9%), jumyrtqa (95%), et jáne et ónimderi (85%), makaron ónimderi (89%), jarma (85%), sút ónimderi (80%), qant (76%), ósimdik maıy (73%), margarın (67%), sary maı (69%) resýrstary respýblıkadaǵy óndirisi esebinen qalyptassa, al muzdatqyshtar (100%), kilem jáne kilem buıymdary (99,9%), jún matalary (98%), jýý quraldary (95%), kıimder (92%), shulyq ónimderi (82%), kir jýatyn mashınalar (74%), aıaq-kıim (74%), teledıdarlar (55%) resýrstary ımporttyq túsimder esebinen toltyrylady.
