11 aıda óńdeý ónerkásibi 5,2 paıyz ósti
«Óńdeý ónerkásibinde turaqty ósý úrdisi saqtalýda. Osy jyldyń qańtar-qarasha aılarynda sala boıynsha óndiris kólemi 5,2 paıyzǵa ósti. 15 óńir boıynsha oń ósý kórsetkishi tirkeldi. Eń joǵarǵy ósý Almaty qalasynda, sondaı-aq Almaty jáne Qyzylorda oblystarynda baıqalýda. Óńdeý ónerkásibi salalary boıynsha mashına jasaý óndirisi 18,5, onyń ishinde avtomobıl jasaý – 21,3, vagondar men lokomotıvter óndirisi – 56,7, sondaı-aq qurylys materıaldary – 9,2, daıyn metall buıymdary – 18,1, plastmassa buıymdary – 41,4, farmatsevtıkalyq ónimder – 27,9, jıhaz – 9,7, kıim 8,7 paıyz deńgeıinde serpindi ósim kórsetip otyr», - dedi mınıstr.
Onyń aıtýynsha, taý-ken ónerkásibinde ósimniń qalpyna kelý qarqyny jalǵasýda. Esepti kezeńde sala boıynsha óndiris kólemi 0,8 paıyzǵa artty. Salalar boıynsha ósim metall kenderin óndirýde 3,9, taý-ken ónerkásibinde qyzmet kórsetýde – 1,8, kómir óndirýde 0,7 paıyzǵa jetti. Shıki munaıdy, gazdy jáne ózge de paıdaly qazbalardy óndirý salalarynda óndiristiń áli de teris kórsetkishteri saqtalyp otyr.
«Ótken 11 aı qorytyndysy boıynsha qurylys salasy joǵary qarqynyn saqtap, oryndalǵan qurylys jumystarynyń kólemi 6,2 paıyzǵaǵa ósti. Kórsetkishtiń oń ósimi 15 óńir boıynsha tirkelgen. Qurylys-montajdaý jumystarynyń eń joǵary ósýi Almaty qalasynda, sondaı-aq Mańǵystaý jáne Aqmola oblystarynda baıqalýda», - dedi Áset Erǵalıev.
