11 aıda elimizde 191 myń adam qan tapsyrǵan

ASTANA. QazAqparat - 2016 jyldyń qańtar men qarasha aılarynyń aralyǵynda Qazaqstannyń qan qyzmeti 171 myń 98,1 lıtr qan nemese quramynda 208 myń 300 dozadaǵy erıtrotsıtter, 265 myń 600 dozadaǵy plazma, 33 myń 15 dozadaǵy trombotsıtter, 9 myń 400 dozadaǵy krıopretsıpıtattar bar 516 myń 315 qan mólsherin daıyndady, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.

Atalǵan kezeńde medıtsınalyq uıymdarǵa 153 myń 237 dozadaǵy erıtrotsıtter, 130 myń 820 dozadaǵy jańa muzdatylǵan plazma, 30 myń 400 dozadaǵy trombotsıtter  berildi.

«Ústimizdegi jyldyń 11 aıynda 191 myń 130 adam qan tapsyrdy. Qan donatsııasy men onyń quramynyń jalpy sany 243 myń 257 boldy, onyń ishinde 85% - qan, 10% - plazma, 5% - jasýshalar. Atalǵan merzimde erikti donatsııa kórsetkishi ulǵaıyp, 58%-dy qurady (2015 jyly 55% bolǵan),  týystyq donatsııa 34% boldy, bul 2015 jyldyń deńgeıinde, al aqyly donatsııa 8% boldy», delingen habarlamada.

Donatsııa transmıssııalyq ınfektsııalar markerlerin dıagnostıkalaýdyń eki kezeńdik ádisimen 100% qamtyldy (antıdenelerdi + ınfektsııalyq agentterdiń antıgenin anyqtaýdyń ımmýnologııalyq ádisi men vırýstyq RNK/DNK anyqtaýdyń molekýlıarlyq-genetıkalyq ádisiniń qosyndysy). Donorlyq qannyń transfýzııalyq ınfektsııalar markerleriniń skrınıngi halyqaralyq standarttarǵa saı jetildirildi.

Esterińizge sala keteıik, búgingi tańda respýblıkada qan qyzmeti salasynda 18 uıym jumys isteıdi:  Transfýzıologııa ǵylymı-óndiris ortalyǵy, Respýblıkalyq qan ortalyǵy,16 oblystyq qan ortalyqtary, Almaty men Semeı qalalyq qan ortalyqtary.