11 aıda BJZQ-nyń ınvestıtsııalyq tabysy 1,65 trln teńge boldy

ASTANA. KAZINFORM – 11 aıda Biryńǵaı jınaqtaýshy zeınetaqy qorynyń ınvestıtsııalyq tabysy 1,65 trln teńge bolǵan. Bul týraly Ulttyq qorǵa Ulttyq bank tóraǵasy Tımýr Súleımenov Úkimet otyrysynda málim etti.

- Jyl basynan beri Ulttyq qorǵa 3,6 trln teńge tústi. Al respýblıkalyq bıýdjetke alynǵan transfertter kólemi 4,9 trln teńge boldy. Ulttyq qordyń bıylǵy 11 aıdaǵy ınvestıtsııalyq kirisi 1,7 paıyz nemese 8,2 mlrd dollarǵa (4,2 trln teńge) jetti, - dedi Ulttyq bank basshysy.

Tımýr Súleımenov jyl basynan beri BJZQ aktıvteri 25 trln teńgege deıin nemese 11,7 paıyz óskenin aıtady.

- Investıtsııalyq tabys kólemi 1,65 trln teńgege jetti. Zeınetaqy jarnalary 2,5 trln teńge, al merziminen quryn alynǵan qarajat 1 trln teńge boldy, - dedi ol.

Aıta keteıik, búgin Úkimette 11 aıdyń áleýmettik-ekonomıkalyq damý qorytyndysy qaralyp jatyr.