11 aıda 2,5 mln qazaqstandyq Ózbekstanǵa saıahattap barǵan

TAShKENT. KAZINFORM — Bıyl qańtar-qarasha aılary aralyǵynda Ózbekstanǵa 10,7 mln sheteldik saıahattap keldi, dep habarlaıdy Kazinform agenttiginiń menshikti tilshisi.

Ózbekstan Ulttyq statıstıka komıtetiniń málimetinshe, bıyl sheteldik týrısterdiń sany 47,4%-ǵa artty. Saıahatshylardyń kóbi Qyrǵyzstan (3 mln adam), Qazaqstan (2,5 mln adam) jáne Tájikstannan (2,5 mln adam) kelgen.

Sondaı-aq, Reseı, (923 myń adam), Aýǵanstan (429 myń adam) jáne Túrikmenstan (341 myń adam) azamattarynyń úlesi basym.

Komıtettiń málimetinshe, saıahatshylardyń kóbi Tashkent, Samarqand, Buhara jáne Hıýa qalalarynyń kórikti jerlerin aralaǵan.

Eske salaıyq, bıyl jarty jyl ishinde Ózbekstanǵa 1,5 mln qazaqstandyq saıahattap kelgen edi.

Qosa ketsek, qańtar-qyrkúıek aralyǵynda 7,5 mln sheteldik Qazaqstanǵa týrıstik maqsatta kelgen. Týrızm jáne sport mınıstrliginiń habarlaýynsha, 2024 jyly elimizde 15 mln saıahatshy demalysyn ótkizgen.