11 aıda 13,4 mln sharshy metr turǵyn úı paıdalanýǵa berildi

NUR-SULTAN. QazAqparat – 11 aıda 13,4 mln sharshy metr turǵyn úı paıdalanýǵa berildi. Bul týraly Úkimet otyrysynda QR Ulttyq ekonomıka mınıstri Áset Erǵalıev málim etti, dep habarlaıdy QazAqparat tilshisi.

«Turǵyn úıdi paıdalanýǵa berý boıynsha oń dınamıka saqtalýda. Esepti kezeńde 13,4 mln sharshy metr turǵyn úı paıdalanýǵa berildi. Kórsetkishtiń ósýi 10,6 paıyzdydy qurady. Oń dınamıka 15 óńir boıynsha tirkeldi, olardyń arasynda eń joǵarǵy kórsetkish Shymkent qalasynda, sondaı-aq Shyǵys Qazaqstan jáne Qostanaı oblystarynda baıqalýda», - dedi mınıstr.

Onyń dereginshe, aýyl sharýashylyǵynda esepti kezeńde óndiristiń 2,5 paıyzǵa tómendeýi tirkeldi.

«Eń tómen kórsetkishter Qostanaı, Soltústik Qazaqstan jáne Aqmola oblystarynda baıqalyp otyr. Saladaǵy óndiristiń oń ósýi 11 óńirde tirkeldi. Eń joǵarǵy ósýdi Pavlodar jáne Shyǵys Qazaqstan oblystary kórsetti», - dedi Áset Erǵalıev.