11 aqpanda Qazaqstannyń tórt óńirinde kúshti aıaz bolady
ASTANA. QazAqparat - 11 aqpanda Qazaqstannyń basym bóliginde antıtsıklonnyń yqpalymen kún ashyq bolady. Túnde Almaty, Ońtústik Qazaqstan, Mańǵystaý, Qaraǵandy oblystarynda keı jerlerde kúshti aıaz bolatyny kútilýde, dep habarlady QR TJM baspasóz qyzmeti.
«Qazgıdromet» RMK aqparaty boıynsha, soltústikte, soltústik-batysta atmosferalyq aǵyndardyń ótýimen aýa raıynyń turaqsyz sıpaty kútilýde, keı jerlerde qar jaýyp, burqasyndy jel kúsheıedi.
Almaty, Jambyl oblystarynda keı jerlerde tuman túsedi, Jambyl oblysynda jeldiń ekpini 17-22 m/s-qa deıin kúsheıedi. Aqmola, Soltústik Qazaqstan, Batys Qazaqstan, Ońtústik Qazaqstan oblystarynda keı jerlerde jel 15-20 m/s-qa deıin kúsheıedi, Aqmola, Soltústik Qazaqstan, Ońtústik Qazaqstan oblystarynda burqasyn kóteriledi. Mańǵystaý, túnde Atyraý oblystarynda keı jerlerde jel 15-20 m/s-qa deıin kúsheıip, tuman túsedi. Kúndiz Qostanaı oblysynda keı jerlerde burqasyndatyp, jeldiń ekpini 18 m/s-qa deıin kúsheıedi, túnde jáne tańerteń tuman túsedi.
