11 aqpanda aýa raıy qubylmaly bolady

ASTANA. QazAqparat - Qazgıdromet mamandary 11 aqpan, senbige arnalǵan aýa raıy boljamyn jarııalady.

Oǵan sensek, búgin atmosferalyq protsesterdiń shıelenisýinen jáne fronttardyń áserinen Qazaqstannyń basym bóliginde aýa raıynyń turaqsyz sıpaty saqtalady.

Qar jaýyp, jaıaý burqasyn kóteriledi.

Ońtústikte – keı ýaqyttarda qatty jaýyn-shashyn (jańbyr jáne qar) jaýady.

Tek elimizdiń batysynda ǵana jaýyn-shashynsyz aýa raıy kútiledi.

Respýblıka boıynsha jel kúsheıedi, tuman túsip, ońtústikte, ońtústik-shyǵysta kóktaıǵaq bolady.