11 aqpan. Tulǵalar týǵan kún
Búgin, 11 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
81 jyl buryn (1945) Qazaq radıosynyń sandýǵashy, qyryq jylǵa jýyq dıktor bolǵan Saýyq Másiǵutqyzy JAQANOVA dúnıege keldi.
Qaraǵandy oblysynda týǵan. S. Kırov atyndaǵy Qazaq memlekettik ýnıversıtetiniń fılologııa fakýltetin bitirgen.
Eńbek joly: 1966-2002 jyldary Qazaq radıosynyń dıktory bolyp qyzmet atqardy. 1988-2000 jyldary T.Júrgenov atyndaǵy Qazaq ulttyq óner akademııasynyń sahna sózi oqytýshysy bolyp qyzmet etti. 2000 jyldan — ál-Farabı atyndaǵy Qazaq ulttyq ýnıversıteti jýrnalıstıka fakýltetiniń oqytýshysy, dotsent.
«Sóıleý tehnıkasy», «Júrgizýshiniń sóıleý mádenıeti» kitaptarynyń avtory.
«Qurmet belgisi» ordenimen marapattalǵan. QR eńbek sińirgen ártisi.
47 jyl buryn (1979) qazaqstandyq sportshy jáne qoǵam qaıratkeri, jekpe-jek ókili, MMA, djıý-djıtsý jáne karateden 5 dúrkin álem chempıony, Azııa dzıýdo odaǵy prezıdentiniń keńesshisi Aıdar Álimjanuly MAHMETOV dúnıege keldi.
Karateden Qazaqstan Respýblıkasynyń eńbek sińirgen sport sheberi (2012), karateden halyqaralyq dárejedegi sport sheberi (2003), pankratıonnan halyqaralyq dárejedegi sport sheberi (2003), djıý-djıtsýdan halyqaralyq dárejedegi sport sheberi (2019). Qazaqstan Respýblıkasynyń Qurmetti sport qaıratkeri (2021).
1996 jyly L. N. Gýmılev atyndaǵy Eýrazııa ulttyq ýnıversıtetin bitirgen. Kassel ýnıversıteti ekonomıka ǵylymdarynyń magıstri (2002), Keln ýnıversıtetinde doktorantýrany bitirgen (2011). Saıasat ǵylymdarynyń doktory (Dr.rer.pol.).
Eńbek joly: 2004-2006 jyldary «Injınırıng jáne tehnologııalar transferti ortalyǵy» AQ-nyń menedjeri, jetekshi menedjeri, bas menedjeri, kommertsııalandyrý departamentiniń dırektory, «Qazaqstan Respýblıkasynyń Ulttyq bıotehnologııa ortalyǵy» RMK marketıng departamentiniń dırektory, 2006-2007 jyldary «Qazyna» turaqty damý qory» AQ ınvestıtsııalyq menedjeri, 2008 jyly Germanııanyń Keln qalasynda DEG — Nemis Damý jáne ınvestıtsııalar bankiniń qyzmetkeri, 2008-2010 jyldary Germanııanyń Geıdelberg qalasynda HeidelbergCement Group kontserniniń TMD elderi boıynsha aǵa keńesshisi, 2010-2011 jyldary «Astana» velokomandasynyń kommertsııalyq dırektory, Nıtstsa, Frantsııa, 2012-2013 jyldary «Samuryq-Qazyna» Ulttyq ál-aýqat qory» AQ Syrtqy jáne ishki kommýnıkatsııalar departamentiniń dırektory, 2013-2015 jyldary «Astana» Prezıdenttik kásibı sport klýbynyń bas menedjeri, Qamqorshylyq keńesiniń múshesi, 2015-2018 jyldary «Samuryq-Qazyna» Ulttyq ál-aýqat qory» AQ Qoǵammen baılanys departamentiniń dırektory, 2019 jyly QR Prezıdenti janyndaǵy «Ortalyq kommýnıkatsııalar qyzmeti» RMM dırektorynyń orynbasary bolyp qyzmet atqarǵan.
Qazirgi laýazymyn 2025 jyldyń qyrkúıeginen beri atqaryp keledi.
46 jyl buryn (1980) «ÁKK «Qonaev» AQ Basqarma tóraǵasy Murat Keńesuly ÁBDІǴULOV dúnıege keldi.
2001 jyly ál-Farabı atyndaǵy Qazaq Ulttyq ýnıversıtetin «Quqyqtaný» mamandyǵy, 2003 jyly «Quqyqtaný magıstri» mamandyǵy, 2017 jyly Reseı halyq sharýashylyǵy jáne Memlekettik qyzmet akademııasynyń «Ekonomıkalyq damýdy memlekettik basqarý magıstri» mamandyǵy boıynsha aıaqtaǵan.
Eńbek jolyn 2001 jyly Jetisý aýdandyq sotynyń bas mamany bolyp bolyp bastaǵan. Ár jyldary «QazPetroıl» JShS Zań departamentiniń dırektory, «Qazaqstan Kaspıı-shelf» AQ bas mamany, QR Syrtqy ister mınıstrligi «Dıplomatııalyq korpýstyń qyzmet kórsetý basqarmasy» AQ dırektorynyń orynbasary, «Samuryq-Energo» AQ Apparat basshysy, «KBI Energy» JShS bas dırektory, Pavlodar oblysy ákiminiń keńesshisi qyzmetterin atqarǵan. 2022-2023 jyldary «Qazaqstan Temir Joly» AQ «KTZ Express» AQ «KTZE Commerce» fılıalynyń dırektory qyzmetinde boldy.
Qazirgi laýazymyn 2023 jyldyń tamyz aıynan beri atqaryp keledi.
45 jyl buryn (1981) Qaraǵandy qalasy Álıhan Bókeıhan aýdanynyń ákimi Dosbol Batyrbekuly KÚLEKEEV dúnıege keldi.
Jambyl oblysynda týǵan. 2002 jyly Almaty qalasynyń ál-Farabı atyndaǵy Qazaq ulttyq ýnıversıtetin «Halyqaralyq ekonomıkalyq qatynastar» mamandyǵy boıynsha bitirgen. 2002-2004 jyldary Almaty qalasynyń ál-Farabı atyndaǵy Qazaq ulttyq ýnıversıtetiniń ekonomıka fakýltetinde magıstratýrada oqydy. 2014 jyly M. H. Dýlatı atyndaǵy Taraz memlekettik ýnıversıtetin «Munaı-gaz isi» mamandyǵy boıynsha bitirgen. L. N. Gýmılev atyndaǵy Eýrazııa ulttyq ýnıversıtetinde PhD ekonomıka Doktory dárejesin aldy.
Eńbek jolyn 2002 jyly «Qazaqstannyń Damý Banki» AQ bastap, keıin «Intergaz Ortalyq Azııa» AQ, «Báıterek» UBH» AQ, «QazMunaıGaz Ónimderi» JShS jáne basqa da kompanııalarda túrli laýazymdarda jumys istegen. 2022-2022 jyldary Astana qalasyndaǵy «QTJ-Júk tasymaly» JShS bas dırektorynyń korporatıvtik máseleler jónindegi orynbasary qyzmetin atqarǵan.
Qazirgi laýazymyna 2023 jyldyń mamyrynda taǵaıyndaldy.
36 jyl buryn (1990) Pavlodar oblysy Aqsý qalasy ákiminiń orynbasary Nurbek Zeınollauly QONROTBAEV dúnıege keldi.
Pavlodar oblysynyń Ermak aýdanynda týǵan. S. Toraıǵyrov atyndaǵy Pavlodar memlekettik ýnıversıtetin 2014 jyly «qarjy», 2018 jyly «kólik qurylysy» mamandyqtary boıynsha aıaqtaǵan. «Qurylys» mamandyǵy boıynsha magıstr dárejesi bar.
Eńbek jolyn 2009 jyly «Aqsý-qurylys» JShS ınjeneri bolyp bastaǵan. 2009-2015 jyldary memlekettik emes qurylymdarda eńbek etti.
2015-2023 jyldary Pavlodar oblysynyń jergilikti atqarýshy organdarynyń TÚKSh salasynda ınspektordan bastap bólim basshysyna deıingi ártúrli laýazymdarda qyzmet atqardy. 2023 jyly Ekibastuz qalasy ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy boldy. 2023-2024 jyldary Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy bolyp qyzmet etti. 2024-2025 jyldary «Pavlodar oblysynyń memlekettik sáýlet-qurylys baqylaý basqarmasy» MM basshysy laýazymyn atqarǵan.
Qazirgi qyzmetin 2025 jyldyń qyrkúıeginen beri atqaryp keledi.
103 jyl buryn (1923) Qazaqstannyń halyq ártisi, teatr jáne kıno akteri ıÝrıı Borısovıch POMERANTsEV dúnıege kelgen.
Ýkraınada, Kıev qalasynda týǵan. Al biraz ýaqyt ótken soń onyń otbasy Qaraǵandyǵa qonys aýdarady. Ákesiniń qazasynan keıin oǵan jáne onyń anasyna Máskeýge kóshýge týra keldi jáne sol jaqtan maıdanǵa attandy. Aýyr jaralanǵannan keıin, 1943 jyly ıÝrıı Borısovıch Almatyǵa kelip, óziniń akterlik mansabyn bastaıdy. Akter teatr jáne kınoda ondaǵan rólderdi somdady. Degenmen, kórermender ony Sháken Aımanovtyń «Bizdiń súıikti dáriger» kartınasyndaǵy bas keıipker Anatolıı Lavrovtyń rólinde jaqsy tanıdy. Halyq ártisiniń bar ǵumyry teatrmen baılanysty. Osy salada eńbek etip kele jatqanyna 75 jyl toldy. Onyń 66 jyly Almatydaǵy Lermontov atyndaǵy akademııalyq drama teatrynda ótti. Osy ýaqytta 300-den asa keıipkerdiń beınesin sátti alyp shyqty. Sonyń ishinde Muhtar Áýezovtiń «Abaı joly» romany boıynsha 1968 jyly qoıylǵan Abaı dramasyndaǵy basty róli de bar. 2018 jyldyń mamyr aıynda ıÝrıı Pomerantsevke eń joǵary dárejeli «Qazaqstannyń Eńbek Eri» ataǵy berildi. Sonymen qatar, dál sol jyly akter Reseı Federatsııasynyń «Dostyq» ordenin aldy.