11,5 myń aktsızdik marka, 110 lıtr spırt: Almaty oblysynda jasyryn tseh anyqtaldy

TALDYQORǴAN. QazAqparat - Almaty oblysynda ishimdikterdi qoldan jasap, eki ret sottalǵan adam taǵy ustaldy, dep habarlaıdy QazAqparat tilshisi.

41 jastaǵy azamattyń araq jasaıtyn jasyryn tsehynan 110 lıtr spırt tárkilendi.

Qylmys Boraldaı aýylynda tirkeldi. Qarjy monıtorıngi agenttigi Almaty oblysy boıynsha departamentiniń mamandary tekserý barysynda «Haoma», «Hortıtsa», «Belenkaıa» jáne «Talka» markaly ishimdik ónimderi qoldan jasalǵanyn anyqtady.

«1980 jyly týǵan azamattyń zańsyz tsehyn tekserý barysynda 11 500 aktsızdik marka, 110 lıtr spırt, 120 bótelke jáne ózge de ishimdik jasaıtyn zattar tárkilendi. Bul azamat osy qylmysty eki ret jasap, sottalǵan. Qazir onyń ústinen taǵy da qylmystyq is qozǵalyp, tergeý júrip jatyr», - delingen vedomstvo habarlamasynda.