11,5 keli somtýma altyn urlap, ony qupııa orynǵa jasyryp kelgen
ASTANA. QazAqparat - Habarovsk ólkesindegi Polına Osıpenko atyndaǵy aýdanda quny 18 mln rýbl bolatyn 11,5 keliden astam somtýma altyn urlaǵan altyn óńdeıtin kásiporynnyń eki qyzmetkeri bas bostandyǵynan aıyryldy.
Bul týraly dúısenbide TASS óńirlik prokýratýraǵa silteme jasap habarlady.
«Sot bireýin 3 jyl 4 aıǵa, ekinshisin 2 jylǵa bas bostandyǵynan aıyrý sheshimin qabyldady. Barlyǵy 18 mln rýbl bolatyn 11,5 keli altyn urlanǵan», - deıdi prokýrordyń aǵa kómekshisi Valentına Glazova.
2014 jylǵy mamyr men qazan aralyǵynda Habarovsk ólkesi Polına Osıpenko atyndaǵy aýdanda Oktıabrskıı ýchaskesindegi ken ornyn ázirleý kezinde kásiporynnyń bir qyzmetkeri bólshektep jasyryn 11,5 keliden astam somtýma altyndy qoldy etip, qupııa jerge jasyrǵan. Ekinshi qyzmetkermen ol altyndy Habarovskige ákelip, satýdy josparlaǵan.
Ekeýin de Reseı FQQ Habarovsk ólkesi boıynsha basqarma qyzmetkerleri ustady, urlanǵan altyn tárkilendi.
