11-17 mamyr kúnderi ótetin sport jarystary
ASTANA.KAZINFORM – Týrızm jáne sport mınıstrligi 11-17 mamyr kúnderi ótetin sport jarystarynyń kestesin jarııalady.
13-15 mamyr – teńge ilýden II álem chempıonaty. Jarysqa 10 elden 50-den astam sportshy qatysady. Ótetin orny: Túrkistan q.
13-16 mamyr – eskek esý slalomynan Azııa chempıonaty. Qazaqstan quramasynan 3 sportshy baq synaıdy. Ótetin orny: Sıası q. (Qytaı)
14-15 mamyr – qazaq kúresinen «Saryarqa batyrlary» Azııa kýbogi. Jarysqa elimizdiń barlyq óńirinen, Astana, Almaty jáne Shymkent qalalarynan 300-den astam sportshy qatysady. Ótetin orny: Qaraǵandy q.
14-17 mamyr – at sportynan kedergilerdi eńserýden álem kýbogi kezeńi. El namysyn 7 sportshy qorǵaıdy. Ótetin orny: Bishkek q. (Qyrǵyzstan)
14-20 mamyr – dzıýdodan kadetter arasyndaǵy halyqaralyq týrnır. Qurama sapynan 5 sportshy tatamıge shyǵady. Ótetin orny: Belsko-Bıala q. (Polsha)
15-17 mamyr – semserlesýden (rapıra, erler men áıelder) «Gran-prı» týrnıri. Týrnırde el namysyn 3 sportshy qorǵaıdy. Ótetin orny: Shanhaı q. (Qytaı)
16-17 mamyr – jeńil atletıkadan Central Asian U18 Open Championships týrnıri. El quramasynan 12 sportshy synǵa túsedi. Ótetin orny: Tashkent q. (Ózbekstan)
16-21 mamyr – jelkendi sporttan 1 ASAF Central Asian Sailing Championship 2026 jarysy. Qazaqstan quramasynan 4 sportshy qatysady. Ótetin orny: Sholpan-Ata q. (Qyrǵyzstan)
Aıta keteıik, Qazaqstanda jazda birneshe halyqaralyq sport jarysy ótedi.
