11-13 naýryzǵa arnalǵan aýa raıy boljamy
ASTANA. QazAqparat - «Qazgıdromet» RMK 11-13 naýryzǵa arnalǵan aýa raıy boljamyn usyndy, dep habarlaıdy «QazAqparat» HAA tilshisi.
Sınoptıkterdiń boljaýynsha, aldaǵy demalys kúnderi jáne dúısenbide Qazaqstannyń ońtústik jáne ońtústik-shyǵys aýdandarynda joǵary tsıklon yqpalymen jaýyn-shashyndy, bultty aýa raıy kútiledi. Taýly aımaqtarda aýa temperatýrasy klımattyq normadan 1-3ºS tómen bolady.
«Respýblıkanyń qalǵan aýmaǵy antıtsıklon yqpalynda bolady, sol sebepti bultsyz, jaýyn-shashynsyz kún raıy boljanady. Biraq, túngi jáne tańǵy ýaqytta Qazaqstannyń basym bóliginde tuman bolyp, joldy kórý múmkindigi qıyndaı túsedi (100-500 m). Aýa temperatýrasy normadan 2-5ºS joǵarylaıdy», - delingen Qazgıdromettiń habarlamasynda.
