109 jyl buryn Qazaqstanda alǵash ret spektakl sahnalandy
ASTANA. KAZINFORM —1915 jyly 13 aqpanda Semeı qalasynda eýropalyq úlgidegi tuńǵysh spektakl qoıyldy. Bul týraly QR Mádenıet jáne aqparat mınıstrliginiń baspasóz qyzmeti málim etti.
Sahnalanatyn pesa bolmaǵandyqtan, spektakldiń ádebı negizi retinde Birjan men Saranyń aıtysy alyndy. Aıtystyń sahnalyq júıesin jasap, spektakldi qoıǵan — kórnekti jazýshy, dramatýrg, qazaq ádebıetin qalyptasýshylardyń biri Júsipbek Aımaýytov.
«Birjan-Sara» spektaklinde qazaq qoǵamynda áleýmettik máni bar áıel teńdigi máselesi kóterilgen.
Birjannyń rólin Júsipbek Aımaýytovtyń ózi, al Saranyń rólin — Turar Qozbaǵarova somdady.
Osylaısha qazaq mádenıeti tuńǵysh ret rejıssýra ónerimen tolyǵyp, qoıylymnyń sahnaǵa shyǵýy erekshe mádenı qubylys boldy.
Ol óziniń «Teatr kitaby týraly» maqalasynda sahna óneri men dramatýrgııanyń mádenı ómirde alatyn orny men erekshelikterine toqtala kele, teatr men repertýar máselesin tyǵyz baılanystyrǵan.
