108 myńnan astam adam úı kezeginde tur: Túrkistan oblysynda qansha páter beriledi
TÚRKІSTAN. KAZINFORM — Túrkistan oblysynda baspana kezeginde turǵan azamattardy túgendeý jumystary júrgizilip jatyr.
Búginde Túrkistan oblysynda turǵyn úıge muqtajdar esebinde turǵan 108 540 azamat bar. Sońǵy bes jylda 8939 adam jaldamaly pátermen qamtylǵan.
2025 jylǵy 25 mamyrdan bastap turǵyn úı berý máselesi «Otbasy bank» quzyretine tolyqtaı ótken. Osyǵan baılanysty turǵyn úı kezeginde turǵan azamattardy túgendeý jumystary júrgizilip jatyr.
— Buryn ákimdik kezeginde bolǵan 69 119 azamattyń 56 697-si, ıaǵnı 82 paıyzy túgendeýden ótti. Qalǵan 12 422 azamat boıynsha jumys jalǵasyp jatyr, — dedi oblystyq energetıka jáne turǵyn úı-kommýnaldyq sharýashylyq basqarmasynyń basshysy Toqtar Ýsýbalıev.
Qazir oblysta daıyn turǵan 1009 páterdiń 843-i boıynsha jaldaý sharttary ázirlenip, baspanalardy turǵyndarǵa úlestirý jumystary qolǵa alynǵan.
Vedomstvo málimetinshe, óńirde 519 jaldamaly páterdiń qurylysy júrgizilip jatyr. Qurylysy aıaqtalǵan jaǵdaıda, atalǵan baspanalardy jyl sońyna deıin turǵyndarǵa berý josparlanyp otyr.
Budan bólek óńirde 2542 otbasy turǵyn úıdi jaldaý aqysyna sýbsıdııa alyp otyr. Bul maqsatqa bıyl bıýdjetten 500 mln teńge qarastyrylǵan.
Buǵan deıin Túrkistan oblysynda jer kezegine turǵandar sany 500 myńnan asqanyn jazǵan edik.
