106 jastaǵy áıeldiń Obamamen bıi áleýmettik jelilerdi «jaryp jiberdi»
ASTANA. QazAqparat - Keshe, 21 aqpan kúni amerıkandyq azamatsha Vırdjınııa MakLorın AQSh Prezıdenti Barak Obamamen jáne onyń zaıyby Mıshelmen kezdesti.
Bul týraly Novoe Vremıaǵa silteme jasaǵan MIR habarlap otyr.
Keıýana AQSh Prezıdenti jáne onyń zaıybymen kezdeskenine óte qýanyshty boldy. YouTube-ta jarııalanǵan vıdeoda qart áıeldiń qýanyshtan Mıshel Obamamen bılep jatqany kórinip tur.
Barak Obama men onyń zaıyby qart áıelmen 21 aqpan kúni afroamerıkandyqtardyń AQSh tarıhyna qosqan úlesin atap ótý oqıǵasyna baılanysty sharada kezdesti. Kezdesý kezinde keıýana AQSh tarıhyndaǵy tuńǵysh qara násildi prezıdent pen onyń zaıyby Mıshel Obamany kórip otyrǵanyna baqytty ekenin atap ótti.
Aq úıdiń Facebook-taǵy paraqshasyna da salynǵan bul vıdeonyń 20 mln. jýyq ret qaralǵany atap ótiledi. Áleýmettik jelilerdiń paıdalanýshylary bul kezdesýge oń kózqarasyn bildirdi.
