105 jastaǵy aqtóbelik qarııa Elbasyǵa alǵys aıtyp, óleń shýmaqtaryn jatqa oqydy
AQTÓBE. QazAqparat - 8 naýryz merekesine oraı Aqtóbe oblysynyń ákimi Berdibek Saparbaev 100 jastan asqan qarııalardy quttyqtady. Ǵasyrdan da uzaq jasaǵan qarııalar el ishindegi turaqtylyq pen beıbit ómir úshin Elbasyna alǵys aıtyp, óleń joldaryn oqyp berdi, dep habarlaıdy QazAqparat tilshisi.
Búgin Aqtóbe oblysynyń ákimi 8 naýryz - Halyqaralyq áıelder kúnine oraı uzaq jyldar boıy eńbek etip, el damýyna úles qosqan, bala tárbıelep, urpaq tárbılegen qarııalardy quttyqtady. 101 jastaǵy Aqjarqyn Turǵanova uzaq jyldar boıy Aqtóbe oblysy, Baıǵanın aýdanynda turdy. Kolhozda jumys istep, aýyl sharýashylyǵyn kollektıvtendirýge úles qosty. Eki bala tárbıelegen ana búginde 15 nemere, 18 shóbere, eki shópshektiń qyzyǵyna kenelip otyr.
Al 105 jastaǵy Evdokııa Bondarenkonyń oıy shıraq, óleń shýmaqtaryn jatqa oqıdy. Oblys ákimimen kezdesken qarııa qys, kóktem mezgilderine arnalǵan óleń shýmaqtaryn oqyp, el ishindegi turaqtylyq pen beıbit ómirdi saqtap otyrǵan Elbasyna alǵysyn aıtty.
«Meniń otbasym Memleket basshysy Nursultan Nazarbaevqa alǵys aıtady. Elimizde turaqtylyq ornaǵan, ómirimiz tynysh. Adam úshin eń mańyzdysy beıbit zaman»,- dedi Evdokııa Bondarenko. Ol Aqtóbeniń Mártók aýdanynda týyp, ósken. Mektepte eden jýýshy bolyp jumys istep, keıin Aqtóbe hrom qosyndylary zaýytynda eńbek etti. Sol óndiris ornynda turaqty jumys istep, zeınetke shyqty.
«Sizder adal eńbek etip, Aqtóbe oblysynyń damýyna úles qosyp,sol arqyly óskeleń urpaqty tárbıeledińizder. Eńbek joldaryńyz bizder úshin úlgi. Bizdiń mindetimiz sizderge qurmet kórsetý»,- dedi oblys ákimi Berdibek Saparbaev kezdesý kezinde.
Óńir basshysy merekege oraı qarııalarǵa gúl syılap, syılyq berdi.
