105 gol soqqan qaqpashy-surmergen
ASTANA. 24 qazan. QazAqparat - Sportta qanshama qyzyqtar bar, ásirese fýtbol tarıhynda qandaı qyzyqty jaǵdaılar boldy deseńizshi. Mynandaı ataýdy estip kórip pe edińiz? Qaqpashy-surmergen. Bireýińiz bilip, bireýiń bilmeıtinde shyǵarsyzdar. Fýtbol tarıhynda eń kóp gol salǵan qaqpashy - Rojerıo Senı.
«Alamannyń» jazýynsha, Senıdiń enshisinde shamamen 105 gol bar. Brazılııalyq «San-Paýlýdyń» qaqpashysy kóbinese aıyp doby men penaltı tebý arqyly enshisine osynshama goldy jazǵan. Rojerıo ardager oıynshy bolǵanmen qatar rekordshy qaqpashy retinde tarıhta qalmaqshy.
Rojerıo Senı 1973 jyly 22 qańtar kúni Brazılııanyń Parana shtatynda dúnıege kelgen. Jastaıynan fýtbolǵa qyzyqqan jas óren 14 jasynda Patý-Branký aýdanyndaǵy «Sınop» klýbynyń jastar quramyna enedi. Keıin 1992 jyly «San-Paýlýdyń» quramyna engennen keıin qosalqy quramda júre turdy. Qosalqy quramda jas oıynshynyń biri boldy.
Sol kezdegi komandanyń negizgi qaqpashysy Dzettı, Rojerıonyń aıyp dobyn jaqsy tepkenin kórip «nege resmı oıyndarda osy áreketińdi kórsetpeısiń, bul isiń jaman bolmas edi» degen talap qoıady. Mine osydan keıin Senı resmı kezdesýlerde osy áreketti qaıtalap kózge túsedi. Biraq jattyǵý kezinde bul isine jattyqtyrýshylar bas shaıqap, «esińnen aıyrylǵansyńba?», «Qudaı saqtasyn, bul qaqpashynyń isi emes» degen sózderdi jıi aıtatyn, biraq Rojerıo bul sózderge bas aýyrtpaı sol baıaǵy ádetimen kete berdi.
Biraz jyl ótkennen keıin Senı «San-Paýlýdyń» negizgi qaqpashysy atanyp, sol baıaǵy ádetimen kerek kezde gol salyp, álem tarıhynda «adam sengisiz qaqpashy» degen atpen rekordtar kitabyna enedi. 1997-2008 jyldar aralyǵynda Rojerıo Senı 46 ret qarsylas qaqpasyn aıyp soqqysynan dál kózdegen. Al 33 ret on bir metrlik aıyp alańynan múlt qaıtpaǵan. Barlyǵy 79 gol, qaı qaqpashynyń qolynan kelgen, qaqpashy bylaı tursyn myqty oıynshylardyń qolynan kelmegen nátıje. Al bul osy kúngi batyrymyzdyń álemdegi sózsiz eń myqty qaqpashy-surmergen ekendigi.
Senıdiń bir sózinde burynǵy komandalasy Dzettıge bylaı «Men fýtboldan ketpeıinshe, áli de gol salam jáne Dzettı saǵan mindetti túrde salmaı qoımaımyn», -degen. Degenmen Dzettı 2001 karerasyn aıaqtaıdy. Osylaısha Rojerıonyń armany oryndalmaı qalady. San Paýlýdyń 2005 jylǵy jeńip alǵan Lıbertadores Kýbogi men klýbtyq álem Chempıonaty beker kelgen joq. Osy Senıdiń arqasynda keldi dese de bolady. Sol maýsymda Rojerıo qarsylas qaqpasyn dál kózdegen, qarańyzdar, ... 21 ret! QAQPAShY! Adam nanǵysyz jańalyq boldy. Senı kóptegen rekordtar ornatqan, Rojerıodan basqa da qaqpashy surmergender boldy olar: paragvaılyq Hose Lýıs Chılvert, nemis Hans-Iorg Býtt, bolgarlyq Dımıtar Ivankov, meksıkalyq Horhe Kampaso syndylar. Biraq brazılııalyqtyń bulardan mereıi ústemirek.
Rojerıo 2005 jyldyń 28 shildesinde Atletıko Paranaense klýbyna qarsy kezdesýde erekshe nómirmen shyǵady. Ol kez Senıdiń San Paýlý sapyndaǵy 618 oıyny bolatyn jáne komandadaǵy eń kóp oıyn ótkizgen
