1049 astanalyq memlekettik bilim grantynyń ıegerleri atandy
ASTANA. QazAqparat - Búgin memlekettik bilim granttary ıegerleriniń tizimi jarııalandy.
Jalpy, 2015 jyly 32 168 grant bólingen: 2500 oryn joǵary oqý oryndarynyń daıyndyq bólimderine bólingen jáne 29 668 grant birinshi kýrsqa qabyldaýǵa arnalǵan. Kúndizgi bólimde oqýǵa arnalǵan grant - 29 168, syrttaı oqýǵa - 500. Bilim grantyn taǵaıyndaý quqyǵyna 60 joǵary oqý orny ıe boldy.
Ulttyq testileý ortalyǵynyń málimetterine sáıkes, Astana boıynsha bilim grantyna 2782 ótinish berilgen. Olardyń ishinde memlekettik grantqa 1049 túlek ıe boldy. Qazaq tilinde - 670, orys tilinde - 379 adam, dep jazady astana.kz .
Atap óteıik, Astanada UBT tapsyrǵan túlekter sany 3398. Olardyń ishinde 1885-i qazaq tilinde, 1513-i - orys tilinde test tapsyrdy.
Ulttyq biryńǵaı testileýdiń kompozıtti ındeksi boıynsha 2015 jyly Astana Qazaqstannyń aımaqtary arasynda birinshi orynda.
QR Bilim mınıstrliginiń habarlaýynsha, qatysý koefıtsıenti boıynsha elorda basqa qalalardyń ishinde kóshbasshy bolyp, eń joǵarǵy kórsetkish - 81 ball jınady.
