104 jastaǵy keıýana bıiktikten sekirýden rekord ornatty
ASTANA. 19 tamyz. QazAqparat - Brazılııanyń 104 jastaǵy turǵyny parashıýtpen sekirgen eń qart áıel retinde Gınnes rekordyn ornatty.
Bul týraly LifeNews.ru habarlady.
«Brazılııanyń 104 jastaǵy turǵyny Aıda Mendes parashıýtpen taǵy bir márte sekirip, óziniń týǵandaryn ǵana emes, jattyqtyrýshylardy da tańǵaldyrdy. Bul úshinshi sekirý, ol sporttyń ekstremaldy túrimen 100 jasynan aınalysa bastady», - delingen taratylǵan habarda.
Aıda jattyqtyrýshymen birge sekirdi, kókte qalyqtaý ýaqyty 6 mınýtty qurady. Olar jerge qonǵan soń «parashıýt sportyndaǵy uzaq ómir súrýshiniń rekordy» tirkeldi.
