103 jastaǵy zeınetker teledıdar uzaq jasaýǵa kedergi keltiredi dep sanaıdy
ASTANA. QazAqparat - Brıtandyq zeınetker, ótken aptada 103 jasqa tolǵan Gertrýda Hındlı uzaq jasaýynyń qupııasyn ashty. Keıýana ony ómirinde teledıdardyń joqtyǵymen baılanystyrady, dep jazady Mirror gazeti.
«Barlyq dostarymnyń úıinde teledıdar bar, al men onyń bolǵanyn qalamaımyn. Men tynyshtyqty unatamyn», - dep túsindirdi zeınetkerlik jasqa deıin kútýshi bolyp jumys istegen qart áıel.
Hındlı birde-bir telekórsetilimdi kórmegen: hanshaıym Elızaveta ІІ-ge táj kıgizý jorasy, Djon Kennedıdiń óltirilýi, adam balasynyń Aıǵa ushýy, Berlın qabyrǵasynyń qulaýy, 11 qyrkúıektegi lańkestik áreket - osynyń barlyǵy onyń nazarynan tys qalǵan.
Teledıdar kórýdiń ornyna Hındlı qart adamdarǵa kútim jasaǵan. Budan basqa, 1970 jyldary Hındlı janýarlar panalaıtyn aýdandyq oryn ashqan. Kóp ýaqytyn olarǵa arnaǵan áıeldiń aıtýynsha, onyń teledıdar qaraýǵa qoly tımegen.
Gertrýda Hındlıdiń óz balasy joq, ol qarttar úıinde turyp jatyr. Jıeni Rıchard Hındlı «ol shynymen de álemde ne bolyp jatqany týraly habarsyz júrgenin» rastady.
«Meniń oıymsha, onyń uzaq jasaýyna sebep osy. Ol jańalyqtardy kórip, sonda estip-kórgeni úshin ýaıymdamaǵan», - dedi ol.
